Qazaqstanda AES salýdy qoldaý jónindegi Halyqtyq shtabtyń aes2024.kz resmı saıty iske qosyldy
«AMANAT» partıasynyń «TALQYLAU» dıalog alańynyń otyrysynda AES salýdy qoldaý jónindegi Halyqtyq shtabtyń resmı saıty – aes2024.kz tanystyryldy. Bul saıt aldaǵy referendým men Qazaqstandaǵy atom energetıkasynyń damý perspektıvalary týraly tolyq aqparat usynady.
Saıtta álemdegi atom energetıkasynyń tarıhy, AES sany, halyqaralyq tájirıbeler, qaýipsizdik standarttary men jańa býyn reaktorlary jaıly málimetter bar. Shtabtyń medıa tobynyń jetekshisi Baqtıar Máken saıttyń halyqty aqparattandyrýdaǵy rólin atap ótip, resýrstyń qoljetimdi jáne yńǵaıly ekenin aıtty.
Saıt úsh negizgi aıdardy qamtıdy: «Jańalyqtar», «Atom energetıkasy týraly» jáne «AES salý boıynsha». Basty bette referendýmnyń kúni men ótetin orny kórsetilgen. Sondaı-aq, paıdalanýshylarǵa AES salýdyń álemdik tájirıbesi men jıi qoıylatyn suraqtar boıynsha aqparat usynylǵan.
Mamandar, sonyń ishinde «Qazaqstandyq atom elektr stansıalary» JSHS bas dırektory Tımýr Jantıkın jáne Iadrolyq tehnologıalar qaýipsizdigi ortalyǵynyń dırektory Aleksandr Klepıkov óz pikirlerimen bólisetin bolady.