AES salýdy qoldaý jónindegi Halyqtyq shtab músheleri Jambyl oblysyna kelip, atom energetıkasynyń bolashaǵy men onyń memleketke paıdasyn turǵyndarmen talqylady, dep habarlaıdy aqshamnews.kz
Taraz qalasynda shtab músheleri óńirdiń pedagogtarymen kezdesý ótkizdi, oǵan 350-den astam adam qatysty. Shtab músheleri Memleket basshysynyń bilim berý men muǵalimderge erekshe kóńil bóletinin atap ótti. "Pedagog mártebesi týraly" zań qabyldanyp, ustazdardyń jalaqysy men áleýmettik qamsyzdandyrylýy artqanyn, bilim berý ınfraqurylymy jaqsaryp, "Jaıly mektepter" salynýda ekenin tilge tıek etti. Sondyqtan ustazdar qaýymynyń AES taqyrybyna qatysty tolyq aqparat alyp, beıbit atomnyń artyqshylyqtaryn túsinýi asa mańyzdy dep atap ótti.
Májilis Spıkeri, «AMANAT» partıasynyń Tóraǵasy Erlan Qoshanov atom elektr stansıasy elimizge energetıkalyq táýelsizdikke qol jetkizetin bolashaqtyń jobasy ekenin aıtty. Ol AES salý múmkindigin jiberip almaý kerektigin erekshe atap ótti.
– Referendýmǵa deıin az ýaqyt qaldy. Munda oblystyń úzdik ustazdary jınalyp otyr. Sizderdiń bedelderińiz joǵary, sózderińiz ótimdi. Prezıdenttiń reformalary men bastamalaryn árdaıym qoldap kelesizder. El bolashaǵy úshin durys tańdaý jasaý jolynda tize qosa jumys isteımiz dep senemin. Barshańyzdy AES salý jónindegi bastamany qoldaýǵa shaqyramyn, – dedi Erlan Qoshanov.