Nasurlla Býrtebaev, fızıka-matematıka ǵylymdarynyń doktory, Iadrolyq fızıka ınstıtýtynyń ǵylym boıynsha bas dırektordyń keńesshisi:
Qazaqstandaǵy atom elektr stansıalary úshin mamandar daıarlaý júıesi sátti damyp keledi. Sońǵy jyldary álemde jańa ıadrolyq reaktorlar men elektroıadrolyq tehnologıalardy damytýǵa degen qyzyǵýshylyq artqanyn baıqaýǵa bolady.
Iadrolyq fızıka ınstıtýtynyń qyzmetkerleri álemdegi elektroıadrolyq tehnologıalardy damytý baǵytynda zertteýler júrgizip, jańa málimetter usynýda. Qazaqstannyń barlyq iri uıymdarynda radıasıalyq baqylaý qyzmeti bar. Qýaty 1200 MVt bolatyn atom elektr stansıasyn qaýipsiz ári tıimdi paıdalaný úshin kem degende 1000 joǵary bilikti maman qajet. Bul mamandar ıadrolyq ǵylym, tehnologıa, jylýenergetıka, sonyń ishinde shamamen 200 adam reaktorlyq ınjenerıa salasynda jumys isteýi kerek.
Iadrolyq saladaǵy mamandardy daıarlaý ál-Farabı atyndaǵy QazUÝ, L.N. Gýmılev atyndaǵy EUÝ jáne Almaty energetıka jáne baılanys ýnıversıtetinde (AEjBÝ) júrgiziledi.
Atomdyq energetıkalyq qondyrǵylar boıynsha oqytý baǵdarlamalarynyń sońǵy kezeńi QazUÝ men AEjBÝ-da Iadrolyq fızıka ınstıtýtynyń mamandarymen birlesip júzege asyrylady.
Sonymen qatar, Qazaqstanda Aqtaý qalasyndaǵy BN-350 reaktorynyń 25 jyldyq apatsyz jumys isteý tájirıbesi bar.
Qazaqstandaǵy ǵylymı-zertteý uıymdarynda VVR-K reaktorlary sátti qoldanylýda. Iadrolyq fızıka ınstıtýtynda jáne Ulttyq ıadrolyq ortalyqta ornalasqan úsh ǵylymı-zertteý reaktorynyń apatsyz jumysy Qazaqstanda atom elektr stansıalaryn basqarýǵa qajetti mamandardy daıarlaý júıesiniń tabysty ekenin dáleldeıdi.