Aýyl sharýashylyǵy mınıstrligi jergilikti atqarýshy organdarmen birlesip jem-shóp óndirisin damytý boıynsha jumysty jalǵastyrýda.
Jemshóp daqyldary úshin sýarmaly jerlerdiń alańdaryn keńeıtý, jem-shóp daqyldarynyń tuqym sharýashylyǵyn damytý, aýylsharýashylyǵy tehnıkasyn satyp alý, jaıylymdyq jerlerdiń ónimdiligin arttyrý jóninde sharalar qabyldaý maqsatynda vedomstvo jem-shóp óndirisin damytýdyń Jol kartasyn ózektendirý boıynsha jumys júrgizýde, dep habarlaıdy aqshamnews.kz Aýyl sharýashylyǵy mınıstrligine silteme jasap.
Aǵymdaǵy jyly óńirlerdiń derekteri boıynsha jem-shóp daqyldarynyń egistik alqaptary 3,2mln. gektardan asty, bul 2023 jylmen salystyrǵanda 83,5 myń gektarǵa artyq. Bul rette egistikke ornalastyrylatyn jem-shóp úlesi shamamen 14%– qurady (2023 jyly-13%).
24,5 mln.tonna shóp (bir jarym jyldyq – 36,7 mln. tonna), pishen - 1,7 mln. tonna, saban – 4,6 mln. tonna, konskorm – 5,5 mln. tonna jáne súrlem – 2,0 mln. tonna daıyndaý josparlanǵan.
Aǵymdaǵy jyldyń 1 qazandaǵy jaǵdaı boıynsha 32,1 mln.tonna kóleminde shóp nemese bir jarym jyldyq jospardan 87,6 %, 1,8 mln tonna pishen nemese jyldyq jospardan 108,5%, 2,5 mln tonna qurama jem(44,9%), 1,6 mln tonna súrlem (83,5%) jáne 3,1 mln tonna saban daıyndaldy (67,7%).
Jalpy, Qazaqstanda jem-shóppen qamtamasyz etý jaǵdaıy turaqty dep boljanýda.