Almaty polısıasy qyzmettiń kúsheıtilgen nusqasyna kóshirildi
Qoǵamdyq tártipti qamtamasyz etý, qylmystardyń, sondaı-aq basqa da zańsyz áreketterdiń der kezinde aldyn alý jáne jolyn kesý maqsatynda Almaty polısıasy qyzmettiń kúsheıtilgen nusqasyna kóshirildi. Osyǵan oraı PD-nyń basshysy Arystanǵanı Zapparov Almaty garnızonyna biryńǵaı saptúzeý ótkizdi.
– Qurmetti áriptester! Qalamyzdaǵy qoǵamdyq qaýipsizdiktiń jaı-kúıi sizderdiń shuǵyl áreket etýlerińizge jáne nátıjeli jumystaryńyzǵa tikeleı baılanysty. Búgingi tańda Almaty polısıasynyń aldyńǵy qatarly materıaldyq-tehnıkalyq bazasy bar jáne qylmysqa qarsy kúresýge, quqyqtyq tártipti nyǵaıtýǵa qajettiniń bárimen qamtamasyz etilgen. Sonymen qatar azamattardyń konstıtýsıalyq quqyqtary men bostandyqtaryn qorǵaý ishki ister organdarynyń birinshi kezektegi mindeti ekenin árqashan este ustaǵan jón, – dedi Arystanǵanı Zapparov.
Sondaı-aq Almaty polısıasynyń basshysy İshki ister mınıstrliginiń qyzmet kórsetýdiń servıstik modeline kóshý jónindegi basym tujyrymdamalarynyń birin júzege asyrýǵa erekshe nazar aýdardy. Tekserý barysynda aldyńǵy sheptegi bólimshelerdiń kıimi men tehnıkalyq quraldary tekserildi. Al joǵary nátıje kórsetken polısıa qyzmetkerlerin PD basshylyǵy marapattady.