Premer-mınıstrdiń orynbasary Tamara Dúısenova Qazaqstanda 4 kúndik jumys aptasyna qandaı salalar kóshýi múmkin ekendigin aıtty.
Tamara Dúısenova Qazaqstanda 4 kúndik jumys aptasynyń normasy Eńbek kodeksinde resmı túrde bekitilgenin eske saldy, dep habarlaıdy Almaty-akshamy.kz.
«Bul máseleni qaradyq. Eńbek kodeksinde kórsetilgen. Bul – jumys berýshi men jumysshynyń arasyndaǵy kelisim. Mysaly, qysta qonaqúı qyzmetkerleri 4 kún jumys isteı alady. Biraq týrıser kóp kelgen kezde jumys aptasy 6 kúnge uzartylýy múmkin. Alaıda 40 saǵattyq jumys aptasy saqtalýy kerek», dedi Tamara Dúısenova.
Premer-mınıstrdiń orynbasary jumys aptasynyń uzaqtyǵy árbir azamattyń qyzmet salasyna baılanysty ekenin atap ótti.
«Meniń oıymsha, qyzmet kórsetý men týrızm, qonaqúı bıznesi salasy 4 kúndik jumys aptasymen jumys isteı alady», dep qosty ol.
Eske sala keteıik, Qazaqstanda 4 kúndik jumys aptasy ótken jyldyń shilde aıynda engizilgen edi.