Búgin Astanada STADA Health Report 2024 zertteýiniń nátıjeleri boıynsha prezentasıa jáne pres-konferensıa ótti.
Bul týraly Almaty-akshamy.kz El.kz aqparattyq agenttigine silteme jasaı otyryp habarlaıdy.
Zertteý avtorlary psıhıkalyq densaýlyq, óz-ózińe kóńil bólý, qarttyq pen jalǵyzdyqqa alańdaý, jeke baqyt jáne syrt kelbetine qanaǵattaný sekildi taqyryptardy ortaǵa saldy.
Belgili bolǵandaı, Qazaqstannan zertteýge qatysýshylardyń 43%-y qartaıýdy oılap alańdasa, 74%-y jasy kelýine oraı fızıkalyq qartaıýdan qorqady. Al suralǵandardyń 59%-y syrt kelbetiniń nasharlaıtynyn oılaıdy-mys. 56%-y jaqyndaryna masyl bolýdan qoryqsa, 50%-y qartaıǵanda qarjylyq jaǵynan qysylmaýdy oılaıdy. Qatysýshylardyń 48%-y jas kelgende paıda bolatyn Alsgeımer, Parkınson, demensıa sıaqty aýrýlardan qaýiptenedi.
Zertteý jumystary birneshe jyl qatarynan 20-dan astam elde júrgizilip keledi. Aımaǵy – Ortalyq jáne Shyǵys Eýropa elderi. Zertteý barysynda buqara halyqtyń ózin saý ári baqytty sezinýine qatysty saýaldar qoıyldy. Saýalnamaǵa jasy, jynysy, áleýmettik jaǵdaıy ártúrli 2 myńnan astam adam qatysty. Nátıjesinde suralǵandardyń 70%-y óz ómirlerine qanaǵattanatynyn jasyrmaı aıtty. Shyny kerek, jahandyq dárejede densaýlyq saqtaý júıesine kóńili tolmaıtyndar qatary kóp. Dese de, Qazaqstan azamattarynyń dárigerlerge senim artýynyń kúsheıgenin baıqasaq bolady, - dep túsindirdi Qazaqstan, Ózbekstan, Mońǵolıadaǵy STADA kompanıasynyń bıznes jetekishisi Natalıa Garıpova.
Zertteý nátıjeleri sáıkes, Qazaqstan azamattary densaýlyq saqtaý máselesinde ózderin meıilinshe baqytty sanaıtyny belgili boldy.