«Almaty Jazy» aksıasy «Almaty – bizdiń ortaq úıimiz» naýqanynyń jalǵasy sanalady, ol osy jyldyń 6 shildesine deıin jalǵasady.
Almatyda 150 sýburqaq bar, onyń 66-sy komýnaldyq (60-y shtattyq rejımde, 6-y qaıta jańartylyp jatyr) jáne 84-i jeke aýmaqta.
Almaty qalasy Ekologıa jáne qorshaǵan orta basqarmasynyń bas mamany Álınur Bákenovtyń aıtýynsha, komýnaldyq menshik ıeligindegi sýburqaqtar 1 mamyrdan 25 qazanǵa deıin kún saıyn saǵat 8:00-den 23:00-ge deıin profılaktıkalyq is-sharalar (tazalaý, jabdyqtardy tekserý) kezinde óshirilip, kestemen jumys isteıdi.
Sýburqaqtardy aı saıyn kestege sáıkes jınalady. Jabdyqqa revızıa jasalady, tostaǵandar arnaıy quraldarmen jýylady.
Keıde komýnaldyq sýburqaqtar apattyq-qalpyna keltirý jumysyn júrgizý jáne aǵymdaǵy jóndeý (kabeldi aýystyrý, sorǵylar men qozǵaltqyshtardy aýystyrý nemese jóndeý, gıdrooqshaýlaý, qaptamany jóndeý) úshin óshiriledi.
«Almaty Jazy» aksıasy aıasynda jeke sýburqaqtar qalalyq nysandarmen qatar retke keltiriledi.
«Almaty Jazy» aksıasy jazǵy kezeńde «Almaty – bizdiń ortaq úıimiz» naýqanynyń jalǵasy. Bul is-shara qalalyq ınfraqurylym men qoǵamdyq múlikke uqypty qaraýdy qalyptastyrýǵa, halyq arasynda joǵary azamattyq jaýapkershilik pen ekologıalyq mádenıetti tárbıeleýge baǵyttalǵan.