Apta basynda respýblıkanyń batys jáne soltústik bóligi sıklon men soǵan baılanysty atmosferalyq shepterdiń yqpalynda bolady, dep habarlaıdy Almaty-akshamy.kz.
Olar el aýmaǵyna qar men jańbyr alyp keledi.
«6 jeltoqsanda eldiń soltústiginde qalyń qar jaýyp, kóktaıǵaq, boran bolýy múmkin. Qazaqstannyń ońtústigi men ońtústik-shyǵysynda ǵana kún ashyq bolady. 7 jeltoqsanda soltústik-batys salqyn antısıklony kirip keledi de, respýblıkanyń barlyq bóliginde jaýyn-shashyn toqtap, aýa temperatýrasy kúrt tómendep ketedi: eldiń batysy, ortalyǵy men shyǵysynda 10-18 S aıazǵa deıin, soltústik-batysy men soltústiginde 25-33 S aıaz, ońtústiginde 5-13 S aıaz bolýy yqtımal», - delingen málimdemede.