Almaty oblysy Qonaev qalasy sotynyń tóraǵasyna qatysty qylmystyq is tergelip jatyr.
Almaty oblysynda úsh sýdıa jemqorlyq jasady degen kúdikke ilindi, dep habarlaıdy Almaty-akshamy.kz Sybaılas jemqorlyqqa qarsy is-qımyl agenttigine silteme jasap.
Almaty oblysy Qonaev qalasy sotynyń tóraǵasy qylmys týraly kisi óltirýden habarlamaýǵa deıingi áreketterdi qaıta saralaý týraly máseleni sheshý syltaýymen iri mólsherde alaıaqtyq jolmen aqsha aldy dep kúdikke ilingen.
"Sondaı-aq Almaty oblysy Talǵar aýdandyq sotynyń sýdıasy aıtarlyqtaı mólsherde para aldy degen kúdikke ilindi. Ol sot oryndaýshysy arqyly kámeletke tolmaǵandardyń jynystyq tıispeýshiligine qarsy asa aýyr qylmys jasaǵan adamǵa qatysty medısınalyq sıpattaǵy májbúrleý sharalarynyń túrin ózgertý týraly oń sheshim shyǵarǵany úshin aqshalaı syıaqy alǵan", - deıdi vedomstvodaǵylar.
Almaty oblysynyń mamandandyrylǵan aýdanaralyq ekonomıkalyq sotynyń sýdıasyna da qatysty qylmystyq is qaralyp jatyr. Antıkordyń habarlaýynsha, ol kásipkerden mıllıardtaǵan salyq bereshegi bar eki kompanıany bankrot dep taný týraly zańsyz sheshimder shyǵarǵany úshin para aldy dep aıyptalyp jatyr.