Iis sezbeýshilik medıkamenttermen emdelmeıdi
"Parosmıa dep atalatyn ıis sezbeýshilikti dári-dármek arqyly tez emdep alý múmkin emes", - deıdi reseılik dáriger-ınfeksıonıst Ilá Akınfıev. Bul týraly REN-TV-saıtynda jarıalandy, dep habarlaıdy Almfty-akshamy.kz tilshisi.
«Jıi bolmasa da, maǵan keletin pasıentterdiń arasynda ıis sezbeıtinin aıtyp, eń soraqysy, patologıalyq ıisterge, ıaǵnı jaǵymdy ıisti sezbeı, kerisinshe, tek jaǵymsyz sasyq ıisti sezetinine shaǵymdanatyn naýqastar kezdesedi», - deıdi maman.
Dárigerdiń sózinshe, mundaı naýqastarǵa birde bir medıkamentti em kómektespese kerek. Akınfıevtiń aıtýynsha, ıis sezýdiń buzylýy ýaqyt óte kele árkimde ár túrli kezeńde qalypqa keledi. Kóbinese ortasha eseppen alǵanda koronavırýstan keıin bolatyn mundaı saldar eki aıda ketedi. Alaıda jarty jyl boıy ıis sezýden qalǵan naýqastar da baıqalady eken.
Osyǵan deıin ZOE COVID Study mamandary koronavırýstyń "omıkron" shtamy belgileriniń biri asqa tábettiń joǵalýy degen bolatyn.
Koronavırýstyń jańa mýtasıasyna tán belgiler retinde bastyń aýyrýy, murynnyń bitýi, jıi túshkirý, tamaqtyń aýyrýy jáne qatty sharshaǵyshtyq atalady.