Balalardy damytýdyń jańa modeli engizilip jatyr.
Qazaqstanda Bilim berýdi damytýdyń 2026 jylǵa deıingi tujyrymdamasy daıyndaldy. Bul týraly Úkimet otyrysynda Oqý-aǵartý mınıstri Asqat Aımaǵambetov málim etti, dep habarlaıdy Almaty-akshamy.kz Baq.kz cilteme jasap.
«Tujyrymdamada strategıalyq jáne baǵdarlamalyq belgilengen basymdyqtar, Memleket basshysynyń tapsyrmalary tolyq qamtyldy. Biz túrli halyqaralyq taldaýlardyń nátıjelerin eskere otyryp, sarapshylar men pedagogogıkalyq qaýymdastyqpen barlyq máseleni talqylap, tıisti usynystardy qamtydyq», – dedi mınıstr.
Mınıstrdiń aıtýynsha, tujyrymdamada 6 baǵyt 17 ındıkator jáne 109 is-shara uıymdastyrý kózdelip otyr.
«Onyń negizgi baǵyttarynyń biri balalardy – erte damytý. Bilim salasynyń eń mańyzdy deńgeıi - balabaqsha. Zertteýge sáıkes, balany emosıonaldy, áleýmettik, fızıologıalyq damýynda balabaqshalardyń áseri orasan zor. Sol sebepti balalardy damytýdyń jańa modeli engilip jatyr. Onyń ishinde baǵdarlama da, oqytý ádisteri de túbegeıli ózgerip jatyr», – dedi Aımaǵambetov.
Vedomstva basshysynyń atap ótýinshe, munyń aldyndaǵy baǵdarlama tym akademıalyq bolyp, 3-4 jasar balalardy otyrǵyzyp qoıyp, 20 mınýt sabaq oqytylsa, endi halyqaralyq zertteýge saı, olardyń sabaqtary jas erekshelikterine baılanysty oıyn arqyly júrgilizilmek.
Oıyn – balanyń jany men tánine saı keletin tabıǵı áreket. Bala sol arqyly qorshaǵan ortany zerttep, ony tanı otyryp, qajetti daǵdylaryn damytady, – dedi ol.