15 jasar Zara Dárken alǵash ret eresekter arasyndaǵy halyqaralyq týrnırge joldama aldy.
Qazaqstan tenıs federasıasynan málim etkenindeı, Z.Dárken ITF jáne WTA reıtıńisine kirmese de, Italıanyń Solarıno qalasynda ITF World Tennis Tour W15 serıasy boıynsha ótip jatqan dodanyń irikteý saıystaryn sátti ótkizdi, dep habarlaıdy Almaty-akshamy.kz QazAqparatqa silteme jasap.
Zara irikteý saıystarynyń alǵashqy aınalymynda ıtalıalyq Djordjı Pattıdi 6:1, 6:2 esebimen tize búktirdi. Al irikteý saıystarynyń fınalynda taǵy bir kort ıesi Kamılla Lervolınony 6:1, 6:4 esebimen joldan taıdyrdy.
Negizgi jarysta Aqtóbe tenıs mektebiniń túlegi dúnıejúzilik reıtıńte 1236-orynda turǵan 25 jastaǵy ulybrıtanıalyq Abıgeıl Amospen sheberlik baıqasady.