Jaýap retinde qatań sharalar qabyldaýy múmkin ekenin eskertti.
Soltústik Koreıa seısenbide Ońtústik Koreıa men AQSH-tyń dúısenbide bastalǵan birlesken áýe jattyǵýlaryna jaýap retinde qatań sharalar qabyldaýy múmkin ekenin eskertti, dep habarlaıdy Almaty-akshamy.kz cilteme jasap.
"Bul negizinen Koreıa túbegindegi jaǵdaı kúrt ózgerer bolsa, KHDR-dyń strategıalyq nysandaryna soqqy berýdi pysyqtaýǵa baǵyttalǵan agressıvti áskerı jattyǵýlar", - delingen Koreıanyń ortalyq aqparat agenttigi (KOAA) jarıalaǵan KHDR SİM ókiliniń málimdemesinde.
Dıplomat Phenán "óziniń egemendigin, halyqtyń qaýipsizdigi men aýmaqtyq tutastyǵyn syrtqy áskerı qaýipterden qorǵaý úshin barlyq qajetti sharalardy qabyldaýǵa daıyn" dep eskertti.
"Eger AQSH áskerı arandatýshylyqty ary qaraı jalǵastyrar bolsa, KHDR odan da kúshti jaýap qaıtarady", — delingen habarlamada.
Sońǵy bes jylda Vigilant Storm AQSH-Ońtústik Koreıanyń alǵashqy iri birlesken áýe jattyǵýlary dúısenbide bastaldy. Oqý-jattyǵýǵa 240-tan astam ushaq, sonyń ishinde jańartylǵan "kórinbeıtin" ushaqtar jumyldyrylǵan.
Ońtústik Koreıa Áskerı-áýe kúshteri atynan shamamen 140 ushaq, olardyń arasynda F-35A "kórinbeıtin" jaýyngerleri, sondaı-aq F-15K men KF-16 ushaqtary jumyldyrylǵan. AQSH áýe kúshterinen Japonıanyń Okınava aralynda ornalasqan F-35B "kórinbeıtin" jaýyngerleri men EA-18 elektrondy soǵys ushaqtaryn qosa alǵanda, 100 birlik tehnıka usynylǵan. Oqý-jattyǵý barysynda barlyǵy 1,6 myńnan astam jaýyngerlik ushýdy oryndaý josparlanýda.
"Odaqtastar "Soltústik Koreıa tarpynan qaýip-qaterlerdiń ósýine tosqaýyl qoıýdy kúsheıtýge tyrysady", - dep atap ótti agenttik jergilikti sheneýnikterdiń málimdemesine silteme jasap.