Qazaqstanda 2030 jylǵa qaraı jylyna 270 myń tonna balyq ósirý josparlanýda
«Balyq sharýashylyǵyn damytý týraly» taqyrybynda brıfıńte QR Ekologıa, geologıa jáne tabıǵı resýrstar mınıstrligi Balyq sharýashylyǵy komıtetiniń tóraǵasy Narıman Júnisov 2030 jylǵa qaraı ósirilgen balyq kólemin jylyna 270 myń tonnaǵa deıin ulǵaıtý mindeti qoıylǵanynyn atap ótti, dep habarlaıdy Almaty-akshamy.kz QR Ekologıa, tabıǵı resýrstar mınıstrliginiń taratqan habaryna silteme jasap.
2030 jylǵa deıin 1283 jańa balyq ósirý sharýashylyǵy qurylady jáne jumys istep turǵan 288 sharýashylyqty ósirý kólemi ulǵaıtylady.
Qoıylǵan maqsattarǵa qol jetkizý úshin 10 jyl ishinde 340 mlrd.teńge jeke ınvestısıalar tartý jáne memlekettik búdjetten shamamen 200 mlrd. teńge bólý kózdelip otyr.
2021 jyly jumys istep turǵan balyq ósirý sharýashylyqtary esebinen 12,8 myń tonna balyq ósirý kútilýde. Jedel málimetter boıynsha, jyl basynan beri shamamen 7,6 myń tonna taýarly balyq ósirildi.
Máselen, 2021 jyldyń basynan bastap memlekettik ınspektorlar 1800-ge jýyq ákimshilik quqyqbuzýshylyqty anyqtap, 23,2 mln.teńge aıyppul saldy, onyń 15,4 mln. teńgesi óndirilip alyndy. Spıker sondaı-aq Komıtet ótkizetin «Bekire», «Ýyldyryq shashý», «Taza sý aıdyndary» tabıǵatty qorǵaý aksıasynyń qorytyndylary týraly habarlady.
Anyqtama
Qazaqstannyń aýqymdy balyq sharýashylyǵy qory bar. Salanyń ǵalymdary men sarapshylarynyń baǵalaýy boıynsha, balyq sharýashylyǵynyń áleýeti jylyna 600 myń tonna taýarlyq balyqqa baǵalanady. Memleket basshysy Q.Toqaevtyń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda elimizdiń balyq salasyn damytýǵa erekshe nazar aýdarý qajettigi atap ótildi. Osyǵan baılanysty, Qazaqstan Respýblıkasy Úkimetiniń 2020 jylǵy 31 jeltoqsandaǵy № 955 qaýlysymen QR EGTRM Balyq sharýashylyǵy komıteti quryldy.