Amerıkalyq sarapshylar erekshe betperde oılap tapty, ol maska taqqan adamnyń koronavırýstyń jańa túrin juqtyrǵan-juqtyrmaǵanyn anyqtaı alady.
Bul týraly dúısenbide Massachýsets tehnologıalyq ınstıtýtynyń saıtynda jarıalanǵan maqalada aıtylǵan, dep habarlaıdy Almaty-akshamy.kz TASS-qa silteme jasap.
Instıtýt mamandary Garvard ýnıversıtetiniń áriptesterimen birlesip jasaǵan maskanyń alynbaly sezbegi (dachık) bar. Ol sezbekti zerthana qyzmetkeriniń halatyna nemese basqa da kıimge tigýge bolady.
Sezbek betperdeni taqqannan keıin shamamen bir jarym saǵat ótken soń nátıje beredi. Onyń kórsetkishterin aınaladaǵy adamdarǵa kórinbeıtindeı etip qosýǵa bolady.
Basylymnyń málimetinshe, osyndaı sezbekter birneshe jyl buryn jasalǵan jáne buǵan deıin Ebola jáne Zıka vırýstyq ınfeksıalaryn anyqtaý úshin qoldanylǵan. Ony basqa vırýstardy da anyqtaıtyn etip ózgertýge bolady.
Federaldy jáne jergilikti organdardyń aqparattarynyń negizinde qorytyndy shyǵaratyn Djon Hopkıns ýnıversıtetiniń málimetteri boıynsha, epıdemıa bastalǵannan beri AQSH-ta koronavırýstyq ınfeksıanyń 33,6 mıllıonnan astam jaǵdaıy anyqtalyp, 604 myńnan astam adam qaıtys bolǵan.