Dúısenbí kúní Almatyda shekteu sharalary kúsheıtíldí. Kafe men meıramhanalardyń jūmys tártíbí ózgerdí. Būl sheshím "delta" koronavırus shtamynyń jedel taraluyna baılanysty qabyldandy. Alaıda jūqtyrǵandar sanynyń artuy qala tūrǵyndaryn alańdatar emes, olar shekteulí jerlerde kóńíl kóterudí jalǵastyruda.
Monıtorıng toptary tamaqtanu, dúkender, kompyuterlík klubtar, monshalar men basqa mekemelerdíń ıeleríne sanıtarlyq talaptardy saqtau turaly eskerttí. Jańa shekteuler únemí eske salynsa da, kásípkerler olardy elemeude.
Mausymnyń 28-nen 29-na qaraǵan túní Almatyda belgílengen shekteulerdí būzǵan 5 jaǵdaı anyqtaldy. Mysaly, Áuezov audanynyń mobıldí toby anyqtaǵan "Ínju" banket zalynda osy uaqytta 60 qonaqtyń qatysuymen shara josparlanǵan. Būrynǵy jáne qoldanystaǵy qaulylarǵa sáıkes, Almatyda toı ótkízuge tyıym salynǵan, sondyqtan qonaqtardy úıleríne jíberuge tura keldí. Iesíne qatysty materıal keıínnen Áuezov audanynyń Sanıtarlyq-epıdemıologıyalyq baqylau basqarmasyna beríldí.
Sol túní Bostandyq audanynyń aumaǵynda da tekserushíler jūmys ístep tūrǵan "Strong" kompyuterlík klubyn anyqtady. Qaulyǵa sáıkes, olardyń jūmysyna tyıym salynady. Alaıda klub ákímshílígí úı íshínde 80-ge juyq oıyn áuesqoılaryn jınaǵan.
Būǵan deıín, 28 mausymǵa qaraǵan túní, Almaly audanynda 60-qa juyq kelushí bolǵan "Frızman" barynda karantın rejımíníń būzyluy anyqtalǵan. Sondaı-aq Áuezov audanynda 40 geımer bolǵan "Doma" kompyuterlík klubynyń jūmysy toqtatyldy.
Karantındík sharalardyń eń kóp būzyluy 26 men 27 mausymǵa qaraǵan túní anyqtaldy. Tekserushíler sanıtarlyq-epıdemıologıyalyq normalar saqtalmaǵan 12 mekemení tapty. Būl tízímde “Almaly” kafesí bar. Tekseru kezínde 120 kelushí bolǵan. Sondaı-aq, “Abyroı" kafesínde 110 adam bolǵanyn anyqtady. Ekí mekeme de Áuezov audanynda ornalasqan. Ieleríne qatysty ákímshílík hattamalar jasaldy.
Almatyda 20 nauryz ben 29 mausym aralyǵynda barlyǵy 1216 būzushylyq anyqtaldy. Anyqtalǵan nysandardyń jalpy sany 790 meıramhana, kafe men dúkender, 148 kompyuterlík klubtarǵa, 18 bılyard klubtaryna, 46 SPA-salonǵa, 29 monshaǵa, 2 kalyan baryna, 42 karaoke klubyna, 30 loto klubyna, 23 túngí klubqa, kınoteatr men bukmekerlík keńsege jatady. Audandyq polıtsıya basqarmasyna barlyǵy 3337 adam jetkízíldí.
Eske salsaq, megapolıste kúrdelí epıdemıologıyalyq jaǵdaı saqtaluda. Almaty koronavırustyq ınfektsıyanyń taraluy boıynsha "qyzyl" aımaqta. Jaǵdaı "delta" shtamynyń jańa aınalymyna baılanysty. Ol joǵary patogendílíkpen jáne tez taraluymen sıpattalady. Qala tūrǵyndary sanıtarlyq talaptardy saqtaulary, betperde taǵulary, adam kóp jınalatyn oryndardan aulaq bolǵandary jón.