Ótken jyly Ǵylym jáne joǵary bilim mınıstri Saıasat Nurbek oqý aqysyn 2-3%-ǵa tóleýge uzaq merzimdi jeńildikti nesıeler berý jospary týraly aıtqan bolatyn.
Mınıstrlikte joǵary bilimge qol jetimdilikti keńeıtý aıasynda zańnamalyq deńgeıde «Bilim berý nesıesi» uǵymy engizilgenin túsindirdi. Bul termın stýdentterdiń oqýyn aıaqtaǵannan keıin ony óteý múmkindigimen oqý aqysyn tóleýge nesıe alýyn bildiredi, dep habarlaıdy Almaty-akshamy.kz Elorda.info saıtyna silteme jasap.
«Prezıdent Qasym-Jomart Toqaevtyń tapsyrmasy boıynsha bilim alýshylarǵa ulttyq biryńǵaı testileý (UBT) nátıjelerin, áleýmettik jaǵdaıdy, ǵylymı (shyǵarmashylyq) jetistikterdi eskere otyryp, joǵary bilimge aqy tóleý úshin nysanaly aqsha somasynyń belgili bir úlesin alýdy qamtamasyz etý maqsatynda saralanǵan grant engizý máselesi pysyqtalýda», - dep atap ótti mınıstrlikte.
Nesıeleýdi iske qosý qoldanystaǵy zańnamada qajetti normalar qabyldanǵannan keıin 2024 jyldan bastap kútiledi.
Oǵan bilim berý grantynyń ıegeri bolmaǵan talapkerler úmitker bola alady. Osylaısha, olar memleket kepildigimen nesıe alyp, oqýyna aqy tóleı alady.
Sondaı-aq, qaryzdy óteý merzimderin belgileý kezinde qaryz alýshylardyń jekelegen sanattary (jetim balalar, ata-anasynyń qamqorlyǵynsyz qalǵan balalar) eskeriletin bolady.
«Tómen paıyzdyq mólsherlememen Qazaqstan azamattaryna memlekettik bilim berý nesıelerin berý týraly másele pysyqtalýda», - delingen resmı jaýapta.
Jeńildikti nesıeleýdi iske asyrý qarjy agentin tarta otyryp, ekinshi deńgeıdegi bankter arqyly júzege asyrylady.
Sonymen qatar, mınıstrlik bilim berý granttaryn saralaýdyń birneshe modelin qarastyrýda.