Búgingi tańda negizgi dándi daqyldar boıynsha 13,6 mln ga astam dándi jáne burshaqty daqyldar jınaldy.
Ortasha ónimdiligi 14,8 s/ga bolǵanda 20 mln tonnadan astam astyq bastyryldy, dep habarlaıdy aqshamnews.kz Aýyl sharýashylyǵy mınıstrliginiń derekterine súıenip.
Osylaısha, bıdaı 10,7 mln ga alqapta jınaldy, ónimdiligi 14,2 s/ga kezinde 15,2 mln tonna bastyryldy, arpa - 1,9 mln ga, ónimdiligi 16,7 s/ga kezinde 3,3 mln tonna bastyryldy, suly - 158,2 myń ga, ónimdiligi 15,8 s/ga kezinde 250 myń tonna bastyryldy.
Aǵymdaǵy jyly maıly daqyldar 494 myń ga alqaptan jınaldy, ortasha túsimdiligi 11,5 s/ga 568 myń tonna bastyryldy.
95 myń ga alqaptan ónimdiligi 233,8 s/ga bolǵan kezde 2,2 mln tonnaǵa jýyq kartop jınaldy, kókónis daqyldary 100,1 myń ga jınaldy, ónimdiligi 248,2 s/ga bolǵan kezde 2,4 mln tonnadan astam jınaldy.
Baqsha daqyldary 97,8 myń ga alqaptan jınaldy, ónimdiligi 264,1 s/ga, jalpy túsimi 5 mln tonnadan asty.
Jınaý naýqanyna 149,9 myń traktor, 37,6 myń astyq jınaý kombaıny, 14,9 myń destelegish jáne 195 myń birlik tartylǵan.
Esterińizge sala keteıik, kóktemgi egis jáne egin jınaý jumystaryn jeńildetilgen qarjylandyrý kólemi 580 mlrd teńgeni qurady, bul ótken jyldarmen salystyrǵanda 3 ese kóp.
Egin jınaý naýqanyn ótkizýdiń barlyq máseleleri erekshe baqylaýda.