2024 jyldyń qazan aıynyń 1-shi juldyzynda saǵat 19:00-de B.Baıqadamov atyndaǵy Memlekettik hor kapelasynyń 89-shy jańa maýsymynyń ashylýyna arnalǵan konserti ótedi
Keshte Qazaqstannyń halyq ártisi ıegerleri - Roza Rymbaeva, Aıgúl Úlkenbaeva, Ramazan Stamǵazıev qonaq bolyp, óz ónerin kórsetetin bolady. Baǵdarlamada qazaq jáne shetel kompozıtorlarynyń shyǵarmalary oryndalady, dep habarlaıdy aqshamnews.kz
Kapelanyń Kórkemdik jetekshisi jáne bas dırıjeri, Qazaqstannyń eńbek sińirgen qaıratkeri - Beıimbet Demeýov.
Kesh qonaqtary:
Qazaqstannyń halyq ártisteri:
Roza Rymbaeva
Aıgúl Úlkenbaeva
Ramazan Stamǵazıev
Halyqaralyq baıqaýlardyń laýreaty:
Farhat Kýbıev
Ázıza Ábdreım
Dıar Nursultanov
Baǵdarlamada:
S.Seıfýllın – «Taý ishinde»
S.Báıterekov – «Kúı»
M.Saǵatov - «Jaılaýda»
Ǵ.Jubanova - «Jalǵyz emen»
L.Hamıdı - «Bulbul» horǵa óńd. A.Molodov
O.Lasso – «Eho»
S.Rahmanınov – «Bogorodıse deva, radýısá»
G.Svırıdov – «Natasha» «Pýshkınskıı venok» hor konsertinen
G.Svırıdov - «Strekotýná beloboka»
Z.Kodaı – «El sygan solenyı syr»
B.Baıqadamov – «Bı kúıi»
B.Baıqadamov - «Sý tasýshy qyz»
Qaz. hal.áni – «Ahaý kerim»
Jaıaý Musa – «Aqsısa»
Qaz.hal.áni – «Aqqýraı»
Qaz.hal.áni – «Elıgaı»
Qaz.hal.áni – «Jaıdarman»
Qaz.hal.áni – «Sholpan»
E. Úsenov - «Kerbez sulý» óńd. Á. Tolyqpaev
Altynaı - «Aqjeleń»
Aqan Seri - «Shyrmaýyq»
Aqan Seri – «Maqpal»
Abaı - «Jelsiz túnde jaryq aı»
Baqytjan Baıqadamov atyndaǵy Memlekettik hor kapelasy 1935 jyly Dmıtrıı Masýsınnyń basqarýymen Jambyl atyndaǵy Qazaq memlekettik akademıalyq fılarmonıasy qabyrǵasynda shaǵyn hor bolyp quryldy. Ujymnyń halyq ónerine aıanbaı qyzmet etýiniń arqasynda 1939 jyly Qazaq KSR úkimetiniń qaýlysymen Memlekettik hor kapelasy dárejesi berildi. Sondyqtan, hor kapelasynyń Memlekettik dárejeni alǵanyna bıyl 85 jyl tolyp otyr. Al, 1935 jyldan bastaý alǵan ujym búgin 89-shy konserttik maýsymyn ashady. Jalpy, 2025 jyly Baqytjan Baıqadamov atyndaǵy Memlekettik hor kapelasynyń qurylǵanyna 90 jyl tolady.
Ujymnyń qalyptasyp damýyna Borıs Lebedev, Latıf Hamıdı, Borıs Orlov, Baqytjan Baıqadamov, Galına Vınogradova zor úlesterin qosty. 1959 jyldan 1991 jylǵa deıin hor kapelasyn KSRO halyq ártisi, Memlekettik syılyqtyń laýreaty, profesor Anatolıı Vasılevıch Molodov basqardy. Osy jyldary elimizdiń mýzyka óneriniń damýyna qosqan úlesi úshin kapelaǵa 1967 jyly «Qazaqstannyń eńbek sińirgen ujymy» ataǵy berildi. Ujym repertýarynda halyq ánderi men kúıleriniń horǵa arnalǵan óńdeýleri, poemalar, orys jáne shetel klasıkteriniń kórnekti shyǵarmalarynyń kantatalary men oratorıalary, sonymen qatar M.Tólebaev, B.Baıqadamov, E. Rahmadıev, Ǵ.Jubanova, M.Saǵatov, S.Muhamedjanov syndy Qazaqstandyq kompozıtorlardyń týyndylary oryn alǵan. Búgingi kúni ujym repertýarynda jalpy bes júzden astam shyǵarma bar, olar álem halyqtarynyń 20 tilinde oryndalady. Búginde álemniń biregeı ujymdarynyń qataryndaǵy kapela elimizben qatar, alys jaqyn shet elderde, onyń ishinde Qyrǵyzstan, Ózbekstan, Reseı, Túrkıa, Germanıa, Úndistan, Qytaı Respýblıkasy, Vengrıa, AQSH elderinde óner kórsetken.
Bıyl B.Baıqadamov atyndaǵy Memlekettik hor kapelasynyń qurylǵanyna 89 jyl tolyp otyr. Osy jyldar da, qazir de ujym óziniń shyǵarmalaryn jańartyp, elimizdiń mýzyka mádenıetiniń damýy jolynda óz úlesin qosyp, tyńdarmandardyń súıispenshiligine bólenip keledi.