Qazaqstanda benzın óndirisi artty, al janarmaı baǵasy salystyrmaly túrde kóterilgen joq.
2024 jyldyń qańtarynan tamyzyna deıin Qazaqstan 3,5 mln tonna benzın óndirilipti. Salystyrmaly túrde ótken jyldyń osy kezeńine qaraǵanda 1,8%-ǵa artyq ónim óndirilgen. Bul týraly Energyprom.kz derekterine silteme jasap aqshamnews.kz habarlaıdy.
Benzın óndiretin oryndardyń negizgi bóligi úsh aımaqta shoǵyrlanǵan: Shymkent, Atyraý jáne Pavlodar oblystary. Shymkent 1,3 mln tonna, Atyraý 1,2 mln tonna, al Pavlodar shamamen 980 myń tonna ónim óndirgen.
2024 jyldyń tamyzynda benzın baǵasy ótken jylmen salystyrǵanda 0,8%-ǵa ósken. AI-98 13,1%-ǵa qymbattasa, AI-95/AI-96 - 5%-ǵa kóterilgen. Al AI-92 baǵasy ózgerissiz qaldy. Ózge óńirlerge qaraǵanda Batys Qazaqstan oblysynda benzın quny joǵary kóterilgeni baıqalady. Munda benzın 2,8%-ǵa qymbattaǵan.
Qazaqstannyń ortasha aılyq jalaqysyna 1 200 lıtr benzın satyp alýǵa bolady. Bulaı salystyratyn bolsaq, álemniń 97 eliniń arasynda 32-shi, al TMD elderi arasynda birinshi orynǵa qoıady. Reseıde ortasha jalaqyǵa 953 lıtr, Ázirbaıjanda - 703 lıtr, Belarýsta - 696 lıtr benzın satyp alýǵa bolady. Ózbekstanda bul kórsetkish 442 lıtr, Moldovada - 434 lıtr, Armenıada - 433 lıtr, al Ýkraınada tek 301 lıtr.
TMD elderindegi eń qymbat benzın Moldova men Armenıada - lıtri shamamen 1,4 dollar, Ýkraınada - 1,3 dollar. Eń arzan benzın Belarýs, Ázirbaıjan jáne Reseıde - shamamen 0,6 dollar, al Qazaqstanda - shamamen 0,5 dollar.
Jalpy alǵanda, Qazaqstan TMD elderi arasynda benzınniń satyp alý qabileti boıynsha kóshbasshylyqty saqtap keledi.