Qazaqstan, Qyrǵyzstan, Armenıa, Belarýs jáne Reseıde 19 tamaq qospasyna tyıym salyndy.
Jańartylǵan tehnıkalyq reglament Eýrazıalyq ekonomıkalyq odaqta qabyldanǵan, dep habarlaıdy almaty-akshamy.kz. Tizimdegi qospalardyń birazyna álem boıynsha shekteý qoıylǵan. Máselen, qumyrsqa qyshqyly, qyzyl túsken boıaýshy kantaksantın men quramynda alúmını bar zattar. Sońǵysy qurǵaq sút, dámdeýish pen úgilgen irimshik jasaýda qoldanylady. Alúmınıdiń kóp mólsheri ortalyq júıke júıesi men búırek qyzmetin buzyp, onkologıalyq aýrýlar týdyrýy múmkin. Sondaı-aq qant almastyrǵysh - stevıa da zıandy dep tanyldy.
Tamaq quramynda «E» degen ındekspen atalatyn qospanyń bolýy óte qaýipti. Jańa tehnıkalyq reglamenttiń 70 prosenti jańa mátinmen tolyqty. Bul talaptardy tolyq oryndaý úshin 6 aı ýaqyt berildi. Atalǵan zıandy qospalardan ada taǵam túrlerin ǵana Eýrazıalyq ekonomıkalyq odaq aýmaǵynda tutyný quptalady, -deıdi EEK tehnıkalyq retteý mınıstri Valentın Tatarıskıı