Onyń 152 mıllıony Qazaqstanda dárilik zattardy mindetti tańbalaý engizilgennen keıin tańbalandy.
Bul rette dárilik zattardyń 16 mln qaptamasy tańbalanyp, dárihanalardyń bólshek saýda jelisine engizildi, bul aqparattyq júıede preparattardyń óndirýshiden tutynýshyǵa deıingi búkil qozǵalys jolyn baqylaýǵa múmkindik beredi, dep habarlaıdy aqshamnews.kz.
Biregeı Data Matrix kodyn qoldanatyn sıfrlyq tańbalaý preparattyń búkil ómirlik sıklin — óndirýshiden sońǵy tutynýshyǵa deıin baqylaýǵa múmkindik beredi.
Kodta mańyzdy aqparat bar: preparattyń ataýy, serıasy, óndirýshi týraly derekter, jaramdylyq merzimi jáne basqa málimetter. Bul zańsyz aınalym múmkindigin joıady jáne tutynýshylardy sapasyz jáne jalǵan dári-dármekterden qorǵaýdy qamtamasyz etedi.
Búgingi tańda dárilik zattar aınalymynyń barlyq qatysýshylary tańbalaýdy engizý boıynsha jumysty aıaqtady, atap aıtqanda:
● 19 otandyq óndirýshi;
● 278 kóterme saýda sýbektisi;
● 3 169 dárihana jáne bólshek saýda núktesi.
Densaýlyq saqtaý mınıstrligi tańbalanǵan preparattardyń qozǵalysyn baqylaýdy jalǵastyrýda, olardyń ómirlik sıkliniń barlyq kezeńderinde baqylaýdy qamtamasyz etedi.
2024 jylǵy 1 shildeden bastap Qazaqstanda barlyq dárilik zattardy mindetti sıfrlyq tańbalaý engizildi. Bul shara kontrafaktilik ónimdermen kúresýge jáne dári-dármekter naryǵynyń ashyqtyǵyn arttyrýǵa baǵyttalǵan.
Sıfrlyq tańbalaý - bul azamattardyń densaýlyǵyn saqtaýǵa jáne Qazaqstan naryǵynda dárilik zattardyń sapasyna degen senimdi arttyrýǵa jasalǵan mańyzdy qadam.
Qazaqstanda dárihanalarǵa kómek kórsetý úshin NS Pharm tegin mobıldik qosymshasy ázirlengenin esterińizge sala keteıik. Bul tańbalanǵan taýarmen jumys isteýdi jeńildetedi jáne prosesti tipti shaǵyn dárihanalar, sonyń ishinde aýyldyq jáne shalǵaı aýdandar úshin de qoljetimdi etedi. Farmasevtıkalyq bızneske arnalǵan bul zamanaýı sıfrlyq sheshim barlyq zańnamalyq talaptarǵa sáıkes keledi, jabdyqqa arnalǵan shyǵystardy azaıtady jáne kúrdeli IT-qoldaýdyń qajettiligin joıady.