Memlekettik organdar ázirge únsiz.
Qazaqstanda 100 myń tonna alma memlekettik organdardyń batylsyzdyǵynan shirip ketýi múmkin, dep habarlady Almaty-akshamy.kz QazTagqa silteme jasap.
«Óz almamyzdyń shamamen tek 20%-yn nemese 50-55 tonnasyn ǵana saqtap qala alamyz. Al qalǵan 200 myń tonnadan astamy qaıda ketedi? Azǵantaı bóligi qaıta óńdeýge jiberiledi, bir bóligi satylady, qalǵany malǵa tastalady nemese shirip ketedi. Shyǵyn shamamen 100 myń tonnany quraıdy, al bul degenińiz tólenbegen nesıe, tólenbegen jalaqy, sharýashylyqtardy ustaýǵa qarjynyń jetispeýi, tólenbegen salyqtar men áleýmettik tólemder, eń bastysy – aýylda turatyndardyń az da bolsa ál-aýqatyn kóterýge bolar edi», - dep sanaıdy fermer Bolatbek Álıev.
Basylym atap ótkendeı, statısıkalyq aqparǵa sáıkes, byltyr jylyna 350 myń tonna alma tutynylǵan, onyń 260 myńy - jergilikti, 90 myń tonna alma – ımport ónimderi.
Bul rette bıyl almanyń rekordtyq ónimi jınalady dep kútilýde.
«Oryn alǵan jaǵdaıdan shyǵýdyń joly da, ol boıynsha usynystar da bar. Biraq ókiletti organdar - SIM jáne ASHM- ázirge únsiz, byltyr da, onyń aldyńǵy jyly da solaı únsiz qalǵan», - deıdi Bolatbek Álıev.