Tárbıeshiler men júrgizýshilerge suranys baıqaldy.
Qazaqstandyq mamandar qarasha aıynda eńbek naryǵynda bolǵan ózgeristerdi qorytyndylady. Olardyń aıtýynsha, qarasha aıynda jumys berýshiler de, jumys izdeýshiler de óz belsendiligin tómendetti, dep habarlaıdy Almaty-akshamy.kz.
«Bıylǵy jyldyń qarasha aıynda Elektrondyq eńbek bırjasynda 91,2 myń bos jumys orny jáne 49,9 myń túıindeme ornalastyryldy. Ótken aımen salystyrǵanda eńbek naryǵy jumys berýshilerdiń de (-16,4%), sondaı-aq izdenýshilerdiń de (-16,5%) belsendiliginiń tómendeýimen erekshelendi», - delingen Eńbekmıni baspasó qyzmetiniń habarlamasynda
EEB-da eń kóp bos jumys oryndaryn mektepke deıingi jáne jalpy orta bilim berý (17,2 myń), ózge de qyzmet túrleri (7,3 myń), qurylys (6 myń) jáne aýyl sharýashylyǵy (4,3 myń bos jumys orny) sektorlarynyń kásiporyndary ornalastyrdy.
«Ártúrli jumys isteıtinder jáne járdemshi jumysshylar men kógaldandyrý jumysshylary sıaqty biliktiligi joq jumysshylardan basqa, bilikti kúzetshilerge, tárbıeshiler men júrgizýshilerge eń úlken suranys baıqaldy. İshinara suranys pen usynys sáıkes keldi. Atap aıtqanda, bilikti jumysshylardyń ishinde avtokólik júrgizýshileri, býhgalterler, zańgerler men tárbıeshiler jumys izdedi», – dedi «Eńbek resýrstaryn damytý ortalyǵy» AQ basqarýshy dırektory Aleksandra Molchanovskaıa.
Sonymen qatar, qarasha aıynda bilikti zańgerler, qarjygerler jáne orta mektep muǵalimderi, sondaı-aq biliktiligi joq jumysshylar, mysaly, vahterler eńbek naryǵynda artyq bolǵan.