Bul úshin respýblıkalyq búdjetten qarajat bólingen.
Sanıtarlyq-epıdemıologıalyq qyzmet mamandaryna jańa 12 avtokóliktiń kilti tabystaldy, dep habarlaıdy Almaty-akshamy.kz Almaty.tv silteme jasap.
Onyń altaýy Jetisý oblysyna buıyrsa, qalǵany Almaty oblysynyń qyzmetkerlerine berildi. Saltanatty is-shara búgin Almatyda ótti. Mamandardyń aıtýynsha, kólikter shalǵaı ornalasqan aýdandar men aýdan ortalyqtaryna jóneltiledi. Aıta ketý kerek, mundaı is-sharalar elimizdiń basqa da óńirlerinde jalǵasyn tabady. Ol úshin respýblıkalyq búdjetten qarajat bólingen.
«Densaýlyq saqtaý mınıstrliginen búgin arnaıy kólik bizdiń Almaty oblysyna keldi. Olar bıologıalyq qaýipsizdikti qamtamasyz etý úshin jáne de ishki, syrtqy qaýip-qaterdiń aldyn alý úshin ýaqytyly sanıtarıalyq-epıdemıologıalyq is-shara atqarý úshin, indetti tergeý úshin óte qajet», – dedi Almaty oblystyq sanıtarlyq-epıdemıologıalyq baqylaý departamentiniń basshysy Marat Ismaılov.