Ulttyq qaýipsizdik komıteti kórshiles memleketterdiń arnaıy qyzmetterimen birlesip, halyqaralyq esirtki trafıginiń arnasynyń jolyn kesti, dep habarlaıdy almaty-akshamy.kz.
250 lıtr «metamfetamın» esirtki zaty túrindegi zańsyz júk túrli brendterdiń sýsyndarynda jasyrylyp, Qazaqstan aýmaǵy arqyly tranzıtpen Reseıge baǵyttalǵan.
Ózara árekettestik nátıjesinde Máskeý oblysynda atalǵan taýardy berý kezinde transulttyq esirtki tobynyń 2 múshesi ustaldy.
Sondaı-aq, ustalǵan adamdardan suıyqtyqtan esirtki alýǵa arnalǵan jabdyq tárkilendi.
Aǵymdaǵy jyldyń basynan beri UQK sheteldik áriptestermen birlesip 19 halyqaralyq esirtki arnasynyń jolyn kesti, zańsyz aınalymnan 400 kg astam esirtki zattary men 4 tonna kóknár sabany tárkilendi.
Eske sala ketsek, buǵan deıin «Qazposhtamen» esirtki tapsyrys bergen almatylyq ustalǵany jaıynda jazǵan bolatynbyz.