Almaty oblysynda polısıa kóshi-qon zańnamasyn buzǵan 1200-den astam sheteldikti jaýapqa tartty.
1200-den astam sheteldikti Almaty oblysynyń polıseıleri 3-9 maýsym aralyǵynda ótken “Zańsyz kelýshi” jedel-profılaktıkalyq is-sharasyn ótkizý barysynda jaýapkershilikke tartyldy, dep habarlaıdy Almaty-akshamy.kz Polisia.kz-ke silteme jasap.
– JPİSH ótkizý kezinde óńirdiń polıseıleri kóshi-qon zańnamasy salasynda 1582 quqyq buzýshylyqty anyqtady. Onyń 1272-si sheteldikter, 310-y QR azamattary, 37-si QR zańnamasyn buza otyryp, sheteldik jumys kúshi men eńbekshi kóship kelýshilerdi tartqany úshin jazalandy. Qabyldaǵysh-dıstrıbútorǵa jeke basyn kýálandyratyn qujattary joq 44 adam qamaýǵa alyndy, – dedi kóshi-qon qyzmeti basqarmasy bastyǵynyń orynbasary Leıla Asyl-Keneı.
Tájirıbe kórsetkendeı, sheteldik azamattardyń kópshiligi eńbek qyzmetimen aınalysý maqsatynda QR aýmaǵyna kiredi. Olardy eńbek qyzmetine tartý máseleleri zańnamamen rettelgen, osyǵan baılanysty tártip saqshylary kóshi-qon zańnamasynyń talaptaryn múltiksiz saqtaý qajettigin eske salady.
– Otandastarymyzdyń tarapynan qabyldaýshy tulǵalar kóshi-qon qyzmetine sheteldiktiń kelgeni týraly habarlaýǵa mindetti ekenin eske salamyz. QR Úkimetiniń 2012 jylǵy 21 qańtardaǵy №148-qaýlysymen bekitilgen “Qazaqstan Respýblıkasynda kóship kelýshilerdiń kelýi men bolý qaǵıdalarynyń” 9-tarmaǵyna sáıkes sheteldik azamattardy qabyldaıtyn jeke jáne zańdy tulǵalar ózderinde bolyp júrgen kóship kelýshiler týraly İshki ister organdaryn habardar etýge mindetti ekenin túsindiremiz. Bul habarlama mindetti túrde shetel azamaty kelgen kúnnen bastap úsh jumys kúni ishinde beriledi. Kórsetilgen merzimdi ótkizip alǵan jáne ımıgranttyń bolýy týraly İshki ister organdaryna habarlamaǵan jaǵdaıda, Qazaqstanda qabyldaýshy Jeke jáne zańdy tulǵa 518-bap boıynsha, al zańdy buzǵan sheteldikter Qazaqstan Respýblıkasynyń Ákimshilik quqyq buzýshylyq týraly Kodeksiniń 517-baby boıynsha jaýapqa tartylatynyn eskertemin. Jeke jáne zańdy tulǵalar ımıgranttyń kelgeni týraly tikeleı “e-Qonaq” elektrondyq vızalyq-kóshi-qon portaly arqyly habarlaı alady, – dep tolyqtyrdy L. Asyl-Keneı.