Alaıaqtardan saq bolyńyz: Qazaqstan Ulttyq banki eskertedi
Olar qandaı da bir alaıaqtyq áreket boıynsha istiń mán-jaıyn anyqtamaq bolyp, ózderin QUB qyzmetkeri retinde tanystyrý arqyly qazaqstandyqtardyń derbes derekterin alýǵa tyrysady, dep habarlaıdy Almaty-akshamy.kz QazAqparatqa silteme jasap.
Alaıaqtar telefon arqyly túrli syltaý keltirip, azamattardy derbes mobıldi qurylǵysyna ekinshi deńgeıli banktiń mobıldi qosymshasyn nemese qashyqtan basqarýǵa arnalǵan servısti ornatýǵa úgitteıdi. Sodan keıin qaskóıler smartfondy qashyqtan tolyq basqarýǵa múmkindik alyp, shot ashady, nesıe rásimdeıdi jáne aqshalaı urlaıdy.
Atap ótetin jaıt, alaıaq telefon shalǵanda áńgime arasynda derbes ári jabyq derekterdi (shotta saqtaýly somany, SMS pen CVV kodtardy) berýdi talap etedi. Paıdalanýshynyń derbes derekterine qatysty kez kelgen aqparatqa qol jetkizý úshin qaskóıler neshe túrli qıturqy áreketterge barady, sonyń ishinde jalǵan qujattardy usynýǵa da beıim bolady.
Iaǵnı olar QUB qyzmetkeriniń jeke basyn rastaıtyn qujattardy, sondaı-aq Qazaqstan Respýblıkasy azamattarynyń qarajatymen jasalatyn aqshalaı operasıalarǵa tán hattardy nemese anyqtamalardy qoldan jasaıdy.
Alaıaqtardyń túpki maqsaty – qolǵa túsirgen derekter arqyly aqsha jymqyrý jáne azamattarǵa aýqymdy materıaldyq zalal keltirý.
Esińizde bolsyn, Qazaqstan Ulttyq banki:
- jeke tulǵanyń shotyna qyzmet kórsetpeıdi, jeke tulǵalarmen aqshalaı esep aıyrysýlar men mámileler jasaspaıdy;
- QR azamatynyń shotyna qatysty qandaı da bir alaıaqtyq áreket, derbes derekterdiń jarıa etilýi jáne ekinshi deńgeıli bankterde nesıe resimdeý sekildi máseleler boıynsha jeke tulǵalarǵa qońyraý shalmaıdy;
- QUB-taǵy shottar tek qana Ulttyq banktiń, ekinshi deńgeıli bankterdiń jáne sany shekteýli zańdy tulǵalardyń operasıalaryn esepke alý úshin ashylýy múmkin.
«Ulttyq Banktiń» atynan kúdikti hattar alsańyz nemese osyǵan uqsas qońyraý qabyldasańyz, birden quqyq qorǵaý organdaryna habar bergen abzal.