Almatyda bótenniń memlekettik tirkeý nómirlerin urlaǵan kúdikti ustaldy.
26 jastaǵy O.esimdi azamat sondaı “kásipker” bolyp shyqty. Ol Qaraǵandy oblysynan kelgen, esh jerde jumys istemeıdi, dep habarlaıdy Almaty-akshamy.kz Polisia.kz-ke silteme jasap.
«Qaskóıdiń Almatyǵa bir apta buryn kelgeni anyqtaldy. Ol qylmystyq jolmen kún kórýdi uıǵardy. Turǵyn aýdanda, turǵyn úılerdiń aýlalarynda bóten kólikterdiń memlekettik tirkeý belgilerin sheship alyp, nómir ıesine, kóliktiń aldyńǵy áınegine 10 myń teńgege “satyp alý” týraly usynyspen hat qaldyrǵan. Bizdiń aýdanda ǵana kúdiktiniń osyndaı jeti urlyqqa qatysy bar ekeni anyqtaldy. Ol osy epızodtardaǵy kinásin moıyndaıdy. Biraq, sonymen qatar, shahardyń basqa jerlerinde oryn alǵan basqa da qylmystarǵa qatystylyǵy bolýy múmkin ekendigi joqqa shyǵarylmaıdy», – dedi Áýezov aýdandyq PB janyndaǵy polısıa bóliminiń bastyǵy Elnur Qudretbaev.
Spıkerdiń aıtýynsha, kúdikti mundaı qylmysy úshin eki ret qylmystyq jaýapkershilikke tartylǵan. Biraq ekeýi de oǵan durys sabaq bolmaǵan sıaqty.