Logıstıkalyq tizbekterdiń úzilýine jol bermeý jáne júk tasymalynyń qaýipsizdigin qamtamasyz etý sıaqty kólik dálizderiniń múmkindikteri talqylandy.
Jańa baǵdarlar quny, jyldamdyǵy men qaýipsizdigi jaǵynan tasymaldaýshylar men júk qabyldaýshylardyń kóńilinen shyǵý kerek. Ekinshiden, sanksıalarǵa ilikpeýi qajet. Qazaqstannyń tranzıttik jáne eksporttyq taýarlary qazir Transkaspıı halyqaralyq kólik baǵdaryna aýysa bastady. Sheteldik jańa seriktestermen belsendi túrde kelissózder júrip jatyr, dep habarlaıdy Almaty-akshamy.kz Qazaqtv.com saıtyna silteme jasap.
«Qazir saýda joldaryn qalaı durys qurý týraly eshkim bilmeıdi. Qandaı áreketter sanksıaǵa soqtyratyny belgisiz. Eger Qazaqstan bıznesi aktıvterin ońtaıly paıdalansa, jóndi júıe qurýǵa múmkindik bar. Bul júk tıeıtin termınalardar, júk kólikteri men lokomotıvterge qatysty bolyp tur», - deıdi QR Temirjol kóligi men ınfraqurylym operator-kompanıasy basqarmasynyń tóraǵasy Tımýr Qarabaev.
«Osyndaı dálizderdiń biri - Transkaspıı halyqaralyq kólik baǵdary. Kezinde ony Qazaqstan temirjoldary salǵan jáne ony tolyq qoldanatyn kez keldi. Ol Quryq aılaǵynan Kaspıı teńizi arqyly Eýropaǵa nemese Batýmı arqyly Baký-Tbılısı-Karske ótedi. Ystambul nemese Mersınge jetkizýge bolady. Osyndaı dálizderdi qazir júzege asyryp jatyrmyz», - deıdi Grekıalyq tasymal kompanıasynyń dırektory Djýlıa Shabanova.
Qazaqstan, Ázirbaıjan, Grýzıa jáne Túrkıa birlesken kólik-logıstıkalyq kompanıa qurý týraly kelisti. Júk tasymalyn arttyrý úshin Aqtaý erkin ekonomıkalyq aımaǵynda konteıner habyn qurý josparda bar.