Jospar boıynsha, 2021 jyly shamamen 130 mln aǵash otyrǵyzylady.
Aldaǵy kúzde Qazaqstanda taǵy 48,2 mln aǵash otyrǵyzý josparlanyp otyr. Ekologtardyń aıtýynsha, jyl saıyn otyrǵyzylatyn aǵash kólemi ósip otyrady, dep habarlaıdy Almaty-akshamy.kz.
Jobany júzege asyrý úshin barlyq oblystarda jáne mınıstrliktiń vedimistik baǵynysty mekemelerinde ormandardy molyqtyrý men orman ósirýdiń 5 jyldyq keshendi josparlary bekitildi, respýblıkalyq jáne jergilikti búdjetterden shyǵystar aıqyndaldy, sondaı-aq orman jáne tabıǵat qorǵaý mekemeleriniń is-qımyldaryn úılestirý jónindegi shtab quryldy.
«Joba bastalǵannan beri bıylǵy jylǵy kóktemde 81,5 mln aǵash otyrǵyzyldy. Kúzde taǵy 48,2 mln aǵash otyrǵyzý josparlanýda. Otyrǵyzý kólemi jyl saıyn 2021 jylǵy 129,7 mln aǵashtan 2025 jyly 642,8 mln aǵashqa deıin ulǵaıatyn bolady. 2 mlrd aǵashtyń 1 455,7 mln danasyn ákimdikter, 294,3 mln danasyn orman paıdalanýshylar men halyqaralyq donorlar, 250 mln danasyn Ekologıa mınıstrliginiń vedimistik baǵynysty uıymdary otyrǵyzýdy josparlap otyr», – delingen Ekologıa, geologıa jáne tabıǵy resýrstar mınıstrliginiń baspasóz qyzmetiniń habarlamasynda.
Mamandardyń aıtýynsha, otyrǵyzý josparlanǵan aǵash túrleriniń ishinde sekseýil eń kóp úlesti (shamamen 30%) alatynyn atap ótken jón. Bul osy aımaqtyń ekologıasyn jaqsartý úshin Aral teńiziniń qurǵaǵan túbinde sekseýil ormandaryn ósirý qajettiligine baılanysty. Jalpy, joba aıasynda shamamen 610 myń dana sekseýil, 555 myńnan astam dana qaraǵaı, 193 myńnan astam dana úıeńki, 132 myńnan astam dana shegirshin, 100 myńnan astam dana qaıyń jáne basqa da tuqymdar otyrǵyzý josparlanýda.
Resmı málimetterge júginsek, jobany qarjylandyrý úshin 5 jyl ishinde respýblıkalyq búdjetten 22 mlrd teńge, jergilikti búdjetterden 60 mlrd teńge bólý josparlanýda.
Sonymen qatar, mamandar túsindirgendeı, aǵashtardyń quny maýsymdyq jumysshylardyń jalaqysy, tuqym jınaý jáne óńdeý, topyraq daıyndaý, kóshetterdi 2-3 jyl kútý shyǵyndarymen anyqtalady. Osyǵan baılanysty qarjylandyrý tuqymdardy jınaý men óńdeýge, qyzmetkerlerdiń jalaqysyna jumsalǵan shyǵyndardy jabýǵa ǵana emes, sondaı-aq topyraq-izdestirý jumystaryn júrgizýge, orman egis alańdaryn ulǵaıtýǵa, tehnıka men jabdyqtar satyp alýǵa, ormandardy molyqtyrý jónindegi jumystardy oryndaýǵa baǵyttalatyn bolady.
