Tylsym dúnıe
Japon ǵalymdary alǵash ret Veneradaǵy túngi aýa raıyn zerttedi, dep habarlaıdy Almaty-akshamy.kz Habar 24-ke silteme jasap.
Japonıanyń Tokıo ýnıversıtetiniń ǵalymdary alǵash ret túnde Veneradaǵy aýa raıynyń ózgerýin baqylaı aldy. Zertteý úshin Venus Climate Orbiter Akatsuki zondynan ınfraqyzyl sýretter qoldanyldy, dep habarlaıdy «Habar 24» wi-fi.ru saıtyna silteme jasap. Venera tolyǵymen tyǵyz bulttarmen kómkerilgeni belgili. Olardyń astynda ne bolyp jatqanyn túsiný úshin Tokıo ýnıversıtetiniń ǵalymdary kúndiz-túni ınfraqyzyl jaryqtyń tolqyn uzyndyǵy arqyly bulttardyń qozǵalysyn qadaǵalady.
Áýelgi zertteýler Venerada aınalý kúshi myqty ekenin kórsetken. Bul - Jerde joq qubylys. Planetanyń búkil meteorologıalyq júıesi ekvatorda shyǵystan batysqa qaraı aınalady. Atmosferalyq aǵyndardyń kúshi men qozǵalys jyldamdyǵy Jerdegi eń qatty daýyldardan asyp túsedi.
Tyń ǵylymı eńbek buryn belgisiz bolǵan faktini anyqtady. Sonymen, túnde Venerada jelder qarsy baǵytta qozǵala bastaıdy. Kúndiz olar polúske, al qarańǵyda ekvatorǵa baǵyttalady.
«Mundaı kúrt ózgeris sebepsiz bolmaıdy», - dep atap ótti avtorlar.
Zertteýshiler atalǵan qubylys myqty aınalýdy kúsheıtedi dep sanaıdy. Jańa málimetter ondaǵy aýa raıynyń dál modelderin jasaýǵa múmkindik beredi. Avtorlardyń aıtýynsha, aýa raıyn ınfraqyzyl qurylǵylardyń kómegimen zertteý ádisin basqa planetalarǵa, mysaly, Marsqa nemese gaz alybyna qoldanýǵa bolady.
Sondaı-aq Jerdegi aýa raıy qubylystaryn zertteýge paıdaly bolady.