Sebebi 90 jobany iske qosý josparlanyp otyr.
Bıyl Qazaqstan Úkimeti jalpy quny 1,4 trln teńgeni quraıtyn 90 jobany iske qosýdy josparlap otyr. Respýblıka óńirlerinde ashylatyn óndiris oshaqtarynda 10,8 myń turaqty jumys orny ashylady, dep habarlaıdy Almaty-akshamy.kz.
«Jobalardyń basym bóligi Aqmola oblysy, Qostanaı oblysy, Jambyl oblysy, sondaı-aq Shymkent jáne Nur-Sultan qalalarynda iske qosylmaq», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Mamandardyń aıtýynsha, mynadaı salalarda iske asyrý josparlanǵan:
- tamaq ónerkásibi – 20 joba;
- qurylys ındýstrıasy – 13 joba;
- hımıa ónerkásibi - 7 joba;
- metalýrgıa - 11 joba;
- munaı óńdeý - 5 joba;
- farmasevtıka - 5 joba;
- mashına jasaý - 15 joba;
- jeńil ónerkásip - 7 joba;
- aǵash óńdeý - 4 joba;
- basqa salalar - 3 joba.