Qazir sportta joǵary nátıje kórsetkenderge beriletin qosymsha tólem 70 myń teńgeniń shamasynda.
Mádenıet jáne sport mınıstri Dáýren Abaev chempıondar men olardyń jattyqtyrýshylaryna ómir boıy tólenetin tólemaqynyń kólemin 306 000 teńgege deıin kóterýdi tapsyrdy, dep habarlaıdy Almaty-akshamy.kz
Jańa Mádenıet jáne sport mınıstri memleket sporttyq karerasy aıaqtalǵan chempıondardan teris aınalmaýy kerek dep esepteıdi. Ol jattyqtyrýshylar tapshylyǵyna da toqtaldy.
Mádenıet jáne sport mınıstri Dáýren Abaev chempıondar men olardyń jattyqtyrýshylaryna ómir boıy tólenetin tólemaqynyń kólemin 306 000 teńgege deıin kóterýdi tapsyrdy.
«Vıse-mınıstrge chempıondarǵa, júldegerlerge, sondaı-aq olardyń jattyqtyrýshylaryna ómir boıyna tólenetin materıaldyq qoldaý tóleminiń mólsherin 100 AEK-ke (306 300 teńge) deıin arttyrýdy pysyqtaýdy tapsyramyn», - dedi Abaev.
Onyń aıtýynsha, qazir sportta joǵary nátıje kórsetkenderge beriletin qosymsha tólem 70 myń teńgeniń shamasynda jáne bul «óte durys emes».
«Sondyqtan joǵary nátıjege qol jetkizgen adamdar laıyqty materıaldyq qoldaýǵa ıe bolýy kerek», - dep esepteıdi Abaev.
Sondaı-aq vedomstvo basshysy salada bilikti bapkerler tapshy ekenin aıtty. Bul jaǵdaı olardyń jalaqysyna tikeleı baılanysty.
«Qazirgi tańda (...) eńbek ótili joq biliktilik deńgeıi ortasha jattyqtyrýshy 63 myń teńge jalaqy alady. Osyǵan baılanysty dene shynyqtyrý fakúltetteriniń túlekteri sportty tańdamaıdy, olar qyzmet kórsetý salasy, kúzet fırmalary, quqyq qorǵaý organdary qyzmetkerleriniń qataryn tolyqtyryp jatyr», - dedi Abaev.
Ol Úkimetke jattyqtyrýshylardyń jalaqysyn kóterý, sondaı-aq olardy materıaldyq yntalandyrý máselesi usynylatynyn aıtty.