Astanada TMD Parlamentaralyq assambleıasynyń agrarlyq saıasat, tabıǵı resýrstar jáne ekologıa salasyndaǵy turaqty komısıasynyń otyrysy ótti.
Oǵan TMD memleketterinen: Ázirbaıjan , Armenıa, Belarýs, Qyrǵyz, Tájikstan, Ózbekstan Respýblıkalarynan parlamenttik delegasıalardyń basshylary qatysty, dep habarlaıdy aqshamnews.kz ASHM saıtyna silteme jasap.
Sapar aıasynda Parlamentaralyq delegasıa músheleri QR Aýyl sharýashylyǵy mınıstriniń mindetin atqarýshy Azat Sultanovpen kezdesti.
«TMD birlesken sheshimder ázirleý, aqparat almasý jáne AÓK salasyndaǵy kúsh-jigerdi úılestirý úshin negizgi alań bolyp qala beredi. Qazaqstan barlyq qatysýshy memleketterdiń ózara tıimdiligi, teńdigi jáne múddelerin eskerý qaǵıdattaryn qoldaıdy, bul syndarly ózara is-qımylǵa jáne ıntegrasıany keńeıtýge yqpal etedi. Óziniń aıtarlyqtaı agrarlyq áleýetiniń arqasynda elimiz óńirdi sapaly jáne qoljetimdi aýyl sharýashylyǵy ónimderimen qamtamasyz etý máselelerinde TMD elderi úshin senimdi seriktes bolyp qala beredi», - dep atap ótti Azat Sultanov.
Kezdesýge qatysýshylar agroónerkásiptik keshendi damytý, AÓK-degi TMD elderiniń ózara is-qımyly men yntymaqtastyǵy, halyqty azyq-túlik qaýipsizdigimen qamtamasyz etýde memlekettik qoldaý, AÓK jáne basqa salalardaǵy zańnamany jetildirý jáne birizdendirý máselelerin talqylady.
Sondaı-aq, veterınarlyq qaýipsizdik, agrarlyq sektor úshin kadrlar daıarlaý jáne t.b. máseleler boıynsha pikir jáne usynystarmen almasty.