«Qazaqstan» teleradıokorporasıasynyń «Balapan» telearnasy «Shoqan. Qashqarıa sapary» atty tolyqmetrajdy anımasıalyq fılmin usynady, dep habarlaıdy aqshamnews.kz
Shoqan Ýálıhanovtyń 190 jyldyǵyna oraı túsirilgen týyndy ǵalymnyń áıgili Qashqarıa ekspedısıasyna negizdelgen. Múltfılmniń oqıǵasy 1858 jyly Shoqan Ýálıhanovtyń Qashqarıaǵa jasaǵan saıahatynan bastaý alady. Sújet jelisi boıynsha 8 jasar Azat sıqyrly ýaqyt kompasy arqyly ótkenge tap bolyp, Qashqarıaǵa baǵyttalǵan kerýenge qosylady. Osylaısha, qazirgi zamanǵy keıipker men uly zertteýshiniń taǵdyry toǵysyp, kórermenderdi tarıhı shyndyq pen fentezı elementteri úılesken shytyrman oqıǵaǵa jeteleıdi.
«Shoqan. Qashqarıa sapary» jobasy – Korporasıanyń tolyqmetrajdy anımasıalyq fılm jasaýdaǵy alǵashqy tájirıbesi. Bul jobany tolyqqandy bıografıalyq týyndy dep qarastyrýǵa bolmaıdy. Fılmde ǵalymnyń tek Qashqarıaǵa sapary negizge alynǵan. 10 serıadan turatyn anımasıalyq jobany tolyqmetrli fılm formatynda qaıta ázirleý – óndiristik turǵydan kúrdeli proses jáne joba az qarajatpen júzege asyryldy. Iaǵnı, búdjet tek efır úshin daıyndalǵan anımasıalyq serıalǵa bólindi. Degenmen, Korporasıa óz bastamasymen balalar arasynda tarıhı tulǵalarymyzdy tanýǵa degen qyzyǵýshylyqty arttyrý, qazaq tilindegi balalar kontentiniń keńirek taralýyn qamtý maqsatynda jobany úlken ekranǵa shyǵaryp otyr. Budan bólek, bıyl jyl sońyna deıin «Balapan» telearnasynyń efırinde joǵary reıtıńke ıe bolǵan «Jelaıaq», «Toqty men Serke» múltfılmderiniń tolyqmetrli nusqalaryn prokatqa shyǵarýdy josparlap otyrmyz», - dedi «Qazaqstan» RTRK» Basqarma tóraıymy Lázzat Tanysbaı.
Anımasıalyq fılm 20 naýryzdan bastap kóktemgi kanıkýl merziminde Qazaqstannyń barlyq qalalaryndaǵy kınoteatrlar jelisinde kórsetiledi.