«Samuryq-Qazyna» qorynyń basqarma tóraǵasy Nurlan Jaqypov QTJ-nyń IPO (alǵashqy qoǵamdyq usynys) ótkizýdi josparlap otyrǵanyn málim etti, dep habarlaıdy aqshamnews.kz.
Aksıalardy ornalastyrý úshin aldymen zańnamaǵa ózgerister engizý qajet bolady.
«IPO-ǵa shyǵý úshin ishki jáne halyqaralyq zańnamanyń talaptaryn saqtaý kerek. Sondyqtan biz ózgerister engizemiz, eger bul múmkin bolmasa, tıisti zań jobalarymen jumys isteımiz», – dedi Jaqypov.
Ol bolashaq aksıonerlerge qandaı aktıvter men qandaı úles usynylatynyn túsindirdi.
«Biz kompanıanyń 20%-ǵa deıingi aksıalaryn satýdy josparlap otyrmyz. Aksıonerler magıstraldy temirjol jelisin emes, KTJ kompanıasynyń ózin ıemdenetin bolady. Kompanıanyń menshiginde magıstraldy temirjol jelisi men basqa da aktıvter bar», – dedi ol.
Al vagondar, temirjol jáne kompanıanyń basqa múlki aksıonerlerge berilýi josparlanbaıdy.
«Bul Air Astana IPO-ǵa shyqqanda ushaqtardy nemese ushaq dóńgelekterin satpady ǵoı. Bolashaq jáne qazirgi aksıonerler kompanıanyń aksıalaryna ıe bolady, biraq ınfraqurylymǵa emes», – dep qosty KTJ dırektorlar keńesiniń tóraǵasy Bolat Jámishev.
Buǵan deıin «Otbasy banki» IPO-ǵa shyǵýy múmkin ekeni týraly aqparat taraǵan bolatyn.