Prezıdenttiń Qytaıǵa sapary týraly fılm búgin telearnalardan kórsetiledi.
Qazaqstan Prezıdenti Qasym-Jomart Toqaevtyń 17-19 mamyrda Qytaı Halyq Respýblıkasyna memlekettik sapary týraly derekti fılm túsirildi, dep habarlaıdy Almaty-akshamy.kz.
Memleket basshysy Sıan qalasynda Qytaı basshysy Sı Szınpınmen kelissózder júrgizip, onyń barysynda strategıalyq áriptestikti odan ári nyǵaıtý, saýda-ekonomıkalyq, ınvestısıalyq, kólik-logıstıka, energetıka, mádenı-gýmanıtarlyq salalardaǵy yntymaqtastyqty keńeıtý máseleleri qaraldy.
Qytaıda Qazaqstan Prezıdenti «Ortalyq Azıa-Qytaı» samıtine de qatysty.
Qasym-Jomart Toqaevtyń Qytaı Halyq Respýblıkasyna memlekettik saparynyń qorytyndysyn Qazaqstan Respýblıkasy Prezıdentiniń Teleradıokesheniniń «Altyn dostyq» atty jańa derekti fılminen kórýge bolady. Teletýyndy búgin telearnalardan kópshilik nazaryna usynylady.
