Úıdiń tóbesi tolyqtaı órtenip ketti.
Qaraǵandy oblysynyń TJD bastyǵy turǵyn úıde bolǵan órttiń sebebin habarlady. Úıdiń tóbesi tolyqtaı órtenip ketti, dep habarlaıdy Almaty-akshamy.kz.
Qaraǵandy oblysynyń TJD bastyǵy Murat Katpanovtyń aıtýynsha, órt 5-qabattaǵy páterdiń balkonynda paıda bolǵan. Keıin ot ǵımarattyń búkil shatyryn sharpyǵan.
«Boljam boıynsha, ǵımarattyń shatyrynyń jalpy aýdany 840 sharshy metrdi quraıdy. Ot shatyrdy tolyǵymen sharpyǵan. Órt shamamen kúndiz saǵat úshte paıda boldy. Órtti bir saǵat ishinde, saǵat 16.00-de aýyzdyqtalyp, 16.23-te joıyldy. Barlyǵy 37 adam, onyń ishinde 10 bala evakýasıalandy. Órtti joıýǵa 88 adam men 17 tehnıka jumyldyryldy», - dedi Murat Qatpanov.
Qazirgi ýaqytta sý tógý jumystary jalǵasýda. Jergilikti jerde órttiń sebepterin anyqtaý boıynsha arnaıy bólimsheler jumys isteýde.