Qytaı jazýshylary men tarıhshylary Qazaqstan tarıhyn qytaı tiline aýdara bastady.
Bul týraly qytaıtanýshy-ǵalym, aqyn, profesor Dúken Másimhanulynyń týǵanyna 60 jyl tolýyna oraı uıymdastyrylǵan halyqaralyq konferensıada aıtyldy.
Jıynǵa Iran, Túrkıa, Qyrǵystan, Qytaı men Ózbekstan ederiniń ǵalymdary, shyǵystanýshylary men saıasattanýshylary qatysty. Olar Qazaqstan men Shyǵys elderiniń arasyndaǵy mádenı, saıası baılanystardy talqylandy. Shara barysynda Dúken Másimhanulynyń «Qytaı qalamgerleriniń tańdamaly shyǵarmalary» 5 tomdyǵynyń jáne «Ult pen Rýh» dep atalatyn ǵylymı zertteýlerge arnalǵan kitabynyń tusaýy kesildi.
«Qytaı jaǵy Qazaqstanda jaryq kórgen Qazaqstan tarıhynyń 5 tomdyǵyn aýdarýǵa qolǵa aldy. Ol endi biraz ýaqyt talap etedi, degenmen ol el kezdeısoq eshteńeni qolǵa almaıdy. Proses júrip jatyr. Ol endi jabyq taqyryp emes, olar da aýdarady biz de aýdaramyz», - deıdi tarıh ǵylymdarynyń doktory, profesory Hangeldi Ábjanov.