2,1 myń adam oqyp, sertıfıkat aldy.
Arnaıy ashylǵan bólimge 2,9 myńnan astam adam tirkelgen, dep habarlaıdy Almaty-akshamy.kz
"Kúmis jas" jobasy aıasynda 50 jastan asqan qazaqstandyqtar odan ári jumysqa ornalasý úshin Skills Enbek platformasynda jańa daǵdylardy tegin úırene alady. Múgedektigi bar azamattardyń jeke kómekshisi bolǵysy keletinder jáne múgedektigi nemese sozylmaly aýrýy bar otbasy múshesimen birge erip júretinderge arnalǵan kásiptik kýrstar bul sanattaǵy azamattar arasynda kóbirek suranysqa ıe.
Sonymen qatar Eńbek jáne halyqty áleýmettik qoldaý mınıstrliginiń málimetinshe, jobaǵa qatysýshylar broıler balapany men jylyjaılarda lımon ósirý, ara sharýashylyǵy jáne taǵy basqa kýrstardy oqýdy jón kóredi.
"Skills Enbek platformasyndaǵy "Kúmis jas" qosymsha betinde aqparattyq tehnologıalar, aýyl sharýashylyǵy, qarjy, bilim berý, áleýmettik qyzmet kórsetý, marketıń jáne týrızm sıaqty baǵyttar boıynsha 120-dan astam kýrstar bar. Paıdalanýshylarǵa kýrstan ótkeni týraly sertıfıkat berý kózdelgen. Ol Enbek.kz portalyndaǵy túıindemede avtomatty túrde kórsetiledi. Jumys berýshi jumyskerdi izdegen kezde izdenýshiniń túıindemesinen sertıfıkattary men alǵan daǵdylaryn kóre alady", delingen Eńbek jáne halyqty áleýmettik qorǵaý mınıstrligi taratqan aqparatta.