Fýtzaldan 2024 jylǵy álem chempıonatyna irikteý aıasynda ulttyq quramamyz kezekti machyn ótkizdi.
Rıkardo Kaka baptaıtyn jigitter bul joly óz alańynda Ázirbaıjan komandasyn qabyldady, dep habarlaıdy Almaty-akshamy.kz 24.kz-ke silteme jasap.
Astanadaǵy machta qonaqtar á degennen basymdyqty qoldaryna alyp, 2:0 esebmen alǵa shyqty. Degenmen jerlesterimiz úziliske deıin tarazy basyn teńestirip úlgerdi. Aldymen Leo múmkindigin sátti paıdalansa, artynsha Birjan Orazov mergendigimen kózge tústi. Al ekinshi kezeńde Dýglas jeńis golyn soqty.
Qorytyndy esep: 3:2. Osylaısha Qazaqstan 4 oıynda 12 upaı jınap, A tobynda jeke-dara kósh bastady. Aıta keteıik, ár toptyń úzdikteri tikeleı álem chempıonatyna joldama alady. Al ekinshi satyda turǵan komandalar qosymsha múmkindikti ózara sarapqa salady. Dúnıjúzilik dodanyń ózi týra bir jyldan keıin Ózbekstanda bolady.