Aýyl sharýashylyǵy vıse-mınıstri Ermek Kenjehanuly Taıland Koróldiginiń Aýyl sharýashylyǵy mınıstri Narýomon Pınesınvatpen kezdesti, dep habarlaıdy aqshamnews.kz.
Taraptar aýyl sharýashylyǵy, azyq-túlik qaýipsizdigi, strategıalyq áriptestik pen ınvestısıalyq yntymaqtastyqty damytý salasyndaǵy ekijaqty qatynastardy nyǵaıtý perspektıvalaryn talqylady.
Atap aıtqanda, ózara saýda kólemin ulǵaıtý jáne jetkiziletin ónim nomenklatýrasyn keńeıtý boıynsha birlesken jumysty jandandyrý qajettigi atap ótildi.
Qazaqstan úshin basym baǵyttardyń biri mal sharýashylyǵy ónimderi boıynsha eksporttyq múmkindikterdi keńeıtý bolyp tabylady. KazBeef Processing jáne Merke et combinaty sıaqty óndirýshilerdi qosa alǵanda, Taılandqa et jáne et ónimderin eksporttaýǵa sertıfıkattaý jáne ruqsat alý úshin kásiporyndardyń tizimi Taı tarapyna qalyptastyrylyp, jiberildi.
Ósimdik sharýashylyǵy óniminiń eksportyn arttyrýda, balyq sharýashylyǵy salasynda ózara is-qımyl erekshe qyzyǵýshylyq týdyrady.
Qazaqstan bıdaı men undy iri óndirýshilerdiń ondyǵyna kiredi, jylyna 7 mln tonnaǵa deıin bıdaı eksporttaıdy jáne Taı naryǵy jetkizilimderdi ulǵaıtý úshin erekshe qyzyǵýshylyq týdyrady.
Sondaı-aq Narýomon Pınósınvattyń nazary birlesken ǵylymı zertteýler men tájirıbe almasýdy qosa alǵanda, agrarlyq ǵylym men bilim salasyndaǵy yntymaqtastyqtyń mańyzdylyǵyna aýdaryldy. Eki eldiń ǵalymdaryna kúrish ósirý jáne qus sharýashylyǵy baǵyttary boıynsha birlesip jumys isteý úshin baılanys ornatý usynyldy.
Dıalog aıasynda tikeleı sheteldik ınvestısıalardy tartý jáne aýyl sharýashylyǵy salasynda birlesken óndirister qurý úlken mańyzǵa ıe ekendigi atap ótildi. Ol úshin aýyl sharýashylyǵy boıynsha birlesken jumys tobyn qurý josparlanýda, ol ózekti máselelerdi talqylaý úshin turaqty otyrystar ótkizetin bolady.
«Bul kezdesý aýyl sharýashylyǵy salasyndaǵy memleketaralyq yntymaqtastyqty keńeıtýdegi mańyzdy qadam bolyp tabylady. Biz saýda jáne ınvestısıalyq qatynastarymyzdy odan ári nyǵaıtýǵa úmittenemiz», - dep túıindedi Ermek Kenjehanuly.