Atom salasynyń qyzmetkeri kúnine oraı Iadrolyq fızıka ınstıtýty Almatydaǵy "Arbatta" óz qyzmetiniń negizgi baǵyttaryn tanystyrdy. Instıtýt 1957 jyly qurylǵan jáne ıadrolyq fızıka men radıasıalyq fızıka salasynda irgeli jáne qoldanbaly zertteýlermen, radıoızotoptar óndirisimen aınalysatyn Qazaqstandaǵy jalǵyz ǵylymı uıym bolyp tabylady.
Instıtýttyń negizgi maqsaty – atom energıasyn beıbit maqsatta paıdalaný arqyly ǵylym men tehnologıalardy damytý jáne Qazaqstannyń ındýstrıaldy-ınnovasıalyq jáne áleýmettik-ekonomıkalyq damýyna úles qosý.
Instıtýt Qazaqstandaǵy radıoızotoptardyń 90%-yn óndiredi, olar medısınada, atap aıtqanda PET-KT dıagnostıkasynda qoldanylady. Medısına men ónerkásipke arnalǵan ızotop óndirisinde aıtarlyqtaı jetistikke jetip, 2022 jyly óndiris kólemin 114%-ǵa arttyrdy jáne alǵash ret Germanıaǵa jetkizýdi júzege asyrdy.
Instıtýt zertteý reaktory VVR-K arqyly zamanaýı tehnologıalar úshin qajetti jartylaı ótkizgishter men mıkrochıpter óndirisine qoldanylatyn kremnııdiń legırlenýin júzege asyrady. Sonymen qatar, ınstıtýt gıdrogelevtik tańý materıaldaryn, medısınalyq ónimderdi sterılızasıalaý jáne tipti topazdardy boıaýǵa arnalǵan tehnologıalardy usynady.
Sonymen qatar, IAF ǵalymdary medısınalyq buıymdardyń radıasıalyq sterılızasıasyn júzege asyrady. Iondyq sáýle arqyly medısınalyq ónimder tolyqtaı sterıldi bolady jáne bul sterıldik búkil qoldaný merzimi ishinde saqtalady.
Instıtýt sońǵy bes jylda ǵylymı zertteý ortalyqtary arasynda eń kóp jarıalanǵan ǵylymı jumystar sany boıynsha birinshi orynda tur. Sonymen qatar, Web of Science jáne Scopus bazalarynda Qazaqstannyń úzdik bes ǵylymı mekemesiniń qataryna kiredi.
Kezdesý barysynda atom energetıkasynyń qazirgi álemdegi orny jáne onyń mańyzdylyǵy týraly keńinen áńgime qozǵaldy. Qazannyń 6-sy kúni Qazaqstanda ótetin AES qurylysyna arnalǵan referendým qarsańynda ınstıtýt mamandary halyqqa atom energetıkasynyń erekshelikteri men onyń ómirdegi mańyzy týraly túsindirip, keńinen aqparat berip keledi.