Bıyl Jeltoqsan qaharmany Erbol Sypataevtyń týǵanyna 60 jyl tolyp otyr.
Jeltoqsan qaharmandarynyń azamattyq erligin nasıhattaý jáne jastardyń boıynda ultjandylyqty nyǵaıtý maqsatynda «Patrıottyq rýh - basty qundylyq» atty is-sharalar kesheni júzege asyrylýda. Olardyń qatarynda megapolıstegi E.Sypataev atyndaǵy kósheniń tazalaǵyn saqtaý maqsatynda senbilik ótkizý, qazaq kúresinen týrnır, mektep oqýshylary arasynda esse jazýdan konkýrs, konferensıa ótkizý, jastar arasynda taqyryptyq kezdesýler uıymdastyrý qarastyrylǵan.
Jeltoqsan ardagerleri men jastardyń qatysýymen E.Sypataev atyndaǵy kóshede senbilik ótti. Oǵan 50-ge jýyq adam qatysty.
"Búgin halyqaralyq "Janashyr" qoǵamdyq qory uıymdastyrǵan is-sharaǵa qoldaý bildirip kelip otyrmyz. Jeltoqsan oqıǵasynyń jańǵyryǵy jastar sanasynda bizdiń úlgili isterimizben saqtalýy tıis. Jeltoqsan batyry Erboldyń árýaǵyn syılap, atyna berilgen kóshede senbilik ótkizip, jastarǵa úlgi kórsetip jatyrmyz. Maqsatymyz - jastar elin, jerin súıip, Otandy qorǵap, tazalyǵyn saqtaýdy ózderine paryz sanasa deımiz," - deıdi "Jeltoqsan aqıqaty" respýblıkalyq qoǵamdyq birlestiginiń tóraǵasy Bolat Qurymbaev.
Osylaısha Jeltoqsan ardagerleri «Taza Qazaqstan» respýblıkalyq aksıasyna úles qosyp, qalanyń tazalyǵyn arttyrdy.
İs-sharany Almaty qalasy Qoǵamdyq damý basqarmasynyń qoldaýymen Halyqaralyq «Janashyr» qoǵamdyq qory uıymdastyrdy.