2026 jylǵa josparlanǵan.
QR Sıfrlyq damý, ınovasıalar jáne aeroǵarysh ónerkásibi mınıstrligi Qazaqstannyń jańa jer serikterin ushyrýdy josparlap otyrǵanyn málimdedi, dep habarlaıdy aqshamnews.kz
«Qazaqstannyń «GHALAM» JSHS kompanıasy 2023 jyldan bastap Ǵarysh apparattaryn qurastyrý-synaý kesheni bazasynda «KazEOSat-MR» jerdi qashyqtan zondtaýdyń úsh jer seriginen turatyn toptamany qurý boıynsha jumystardy atqaryp jatyr. Olardy ushyrý 2026 jylǵa josparlanǵan», - delingen mınıstrliktiń habarlamasynda.
Vedomstvo aqparatyna qaraǵanda, 2029 jylǵa qaraı «KazSat-3» baılanys spýtnıgin jańasyna aýystyrý qarastyrylǵan. Jańa apparat suranysty qanaǵattandyrýda jáne eldiń aqparattyq qaýipsizdigin qamtamasyz etýde zamanaýı tehnıkalyq sheshimderdi qoldanýǵa arnalǵan. Bul baǵytta sheteldik ǵarysh tehnıkasyn óndirýshilerden aldyn ala tehnıkalyq-kommersıalyq usynystar alyndy. Osy rette jobaǵa qoıylatyn talaptardy qalyptastyrý jáne ony qarjylandyrýdy qamtamasyz etý boıynsha jumystar bastalǵan.
Esterińizge sala keteıik, 2014 jylǵy 28 sáýirde «KazSat-3» úshinshi ulttyq geostasıonarlyq habar taratý jáne baılanys spýtnıgi sátti ushyrylǵan. «KazSat-3» spýtnıginde Qazaqstan aýmaǵyn baılanys qyzmetimen qamtamasyz ete alatyn Ku-dıapazondy 28 transponder ornatylǵan. Ǵarysh apparatynyń jumys isteý merzimi - 15 jyl.
Qazaqstan men Ózbekstan birlesip ǵaryshqa spýtnık ushyrýdy josparlap otyr.