Depýtattar Qazaqstan men Perý arasyndaǵy sottalǵandardy óz azamattyǵy bar elge jazasyn óteýge berý jáne qylmystyq ister boıynsha yntymaqtastyq týraly shartty ratıfıkasıalaýdy quptady, dep habarlaıdy Aqshamnews.kz tilshisi Tengrinews.kz-ke silteme jasap.
Qujatqa sáıkes, eki el:
-
sottalǵandardy óz elinde jazasyn óteý úshin ózara almastyrady;
-
qylmystyq ister boıynsha ózara quqyqtyq kómek kórsetedi (aqparat almasý, tergeýge járdemdesý).
Depýtat Snejana Imasheva bul kelisim qylmyspen kúrestegi ózara is-qımyldy tıimdirek etip, "sottalǵandardyń óz azamattyǵy bar qoǵamda qaıta áleýmettenýine yqpal etedi" dedi.
Aıta keteıik, Qazaqstan men Perý arasyndaǵy kelisim 2024 jyldyń qazanynda jasalǵan. Sol kezde Bas prokýratýra keıingi ýaqytta zań buzǵan keıbir qazaqstandyqtardyń Latyn Amerıkasy elderine jasyrynýǵa tyrysatynyn málimdegen. Buǵan uqsas kelisim Brazılıamen bekitilgen, sondaı-aq Argentına jáne Domınıkan Respýblıkasymen de osyndaı qujattar jasaý josparlanǵan bolatyn.