Qazir Qatarda shamamen 1,5 myń qazaqstandyq turyp jatyr. Bul týraly Qazaqstannyń syrtqy ister vıse-mınıstri Álibek Baqaev aıtty, - dep habarlaıdy Aqshamnews.kz tilshisi.
Májilis kýlýarynda jýrnalıser Baqaevtan Qatar astanasynda bolǵan jarylystardan qazaqstandyqtar zardap shekti me dep surady.
"Árıne, azamattarymyzdyń ishinde bizdiń adamdarymyz bar, biraq qurbandar arasynda joq. Eshkim habarlasqan joq. Qazir Qatarda shamamen 1,5 myń adam turyp jatyr", - dedi Qazaqstannyń Syrtqy ister mınıstrliginiń vıse-mınıstri Álibek Baqaev.
Onyń aıtýynsha, jalpy sanynyń ishinde konsýldyq esepte turǵan 516 adam bar. Dıplomattar olarmen turaqty baılanysta.
Buǵan deıin ne bolǵan edi?
9 qyrkúıekte Izraıl Dohaǵa soqqylar jasady. Negizinen turǵyn úıler zardap shekti, onda HAMAS basshylyǵynyń delegasıasy AQSH usynǵan sońǵy tatýlasý usynysyn talqylaýǵa kelgen bolatyn. Qatar Izraıldiń shabýylyn aıyptady.
Qatar bıligi turǵyn aýdandaǵy Izraıl soqqysynan zań júzinde jaýap daıyndaý úshin advokattar toby qurylǵanyn jarıalady. Premer-mınıstr Mýhammed ben Abderrahman Ál Tanı Izraıl áreketteri halyqaralyq quqyqty buzyp, AQSH bastamasymen qolǵa alynǵan Gazadaǵy kelissóz prosesin álsiretedi dep atap ótti.