Qazaqstan birneshe eldiń vaksınalaý qujatyn maquldady
Qazaqstan taǵy 4 eldiń vaksınalaý qujattaryn moıyndady. Atap aıtar bolsaq: Kanada, Chernogorıa, Chehıa jáne Japonıa. Bul týraly elimizdiń bas sanıtar dárigeriniń habarlamasynda aıtyldy, dep habarlaıdy Almaty-akshamy.kz.
Búginde Qazaqstanda barlyǵy 24 shet memlekettiń ımmýndaý sertıfıkaty maquldanǵan. Al qazaqstandyq ekpe pasportyn 20 memleket tanyǵan. Sondaı-aq Qazaqstan men Ózbekstan keler jyldan bastap koronavırýsqa qarsy vaksınalaý tólqujattaryn ózara moıyndaýy múmkin.
Ajar Ǵınıat, QR Densaýlyq saqtaý mınıstriniń orynbasary:
- Bul suraq mınıstrdiń orynbasarymen talqylandy. Biz Ózbekstannyń ekpe pasportyn tanýǵa qarsy emespiz, kórshiles memleket óz kezeginde bizdiń eldiń vaksınalaý sertıfıkatyn tanýǵa daıyn. Bul baǵytta Syrtqy ister mınıstrligimen birlese jumys júrgizetin bolamyz.